बाँपीझ्याला, द्वाल्खा । थनु द्वाल्खाकु गाठामा डुई ज्य खँ धोन । नाह्ग नाह्गथे नाह्गथेतु थापरेङ व्यलाकुतु गाठामा डुईरी ज्य खँ धोन हङन वडानाय् भाजु स्टालिन श्रेष्ठन् ईस्त सिके दिरहिन् ।

द्वाल्खा शहर त लिपुलेन् स्वर्न नुगरकु मन्येंगु खँपेन् पितयेइफरै, थन्हुन्नसि द्वाल्खाकु चहकदउ जात्रापेन् ङाकेयेउ हङन् मुचाताक्कु गुलि रसताउपे, साचिला जोर ओङन् छेँ पुलेन् गाठामा डुये स्वइत हतारचाय् खँपेन् मिखाकु यार्गायेन् च्वन ।

घत्कें हाबि दुङ्गलय् पूर्ण शिवभक्ती रानाजी शिवभक्तीय बान् बिस्नतीलान्नसि गाँजा नानापतिय् ड्वा क्ड्वाकु डाँडी दउ सिमा हायेन् रास्कुल द्यउकुठा हाखेनय् मूल दात्तिकु ल्हाहा टुटि दके हाँसाकु ख्वाल दके राक्षसय् म्वग्र दके गाठामा तैयार येकुजु । आमु गाठामा स्वइत नक्छेंमिय् द्यउकुठाय् फरन्नसि उक्नपट्टि चक्रे बाजेय् छेँ हाखेनय् चिचा सेङ् देपानटुल्के द्वाल्खाय् ड्वाकुनदांगु मिन्नसि चिचा मुचापेन् टुल्के टन्न थिखाउजु ।
गाठामा हात्त डुय् हङ बारेकु हाबिय् मिपिसिन् गुलि बाँलकु न्येइँ न्येइँ येउ बाखन् ल्हाउतन् ।

घण्टाकर्ण हँङ राक्षस न द्वाल्खा शहर दुपानय् मिपिस्त घत्कें दुःख बियेन् ल्यासिमिसा मुचापिस्त लियेन् लियेन् दुःख बियेन्, गिबि होम जग्गे येतै आँकु ओँगन् तिम्तिमुङन् जग्गेतु येरिमबियेन् बार्मुन्, ऋषिमुनिपिस्तं लियेन् दुख बियेन्लि महादेव न थउ भक्तपिस्त अतितु दुस्ख बिय् खँ तायेन् आमु भक्तमध्येकु थिम्हा त शक्ति व बुद्धि बियेन् आमु घण्टाकर्ण राक्षस त मिपिस्त दुस्ख दबिउ छन्त साक्साकु भोजन नकेइ हँगन् हेके येँङ खँ हकुजु ।

आले रास्कुलय् भगवती त व याकरगण त तु साक्षी तयेन् नाइ बाजा स्वगुन् बाजा ठ्याङन् पूजा येङन् माला फिके दह्रीबजी स्वगुन् भोस् नकेइरि वाचा येङन् स्याङ खँ न्येङ दउजु ।आले स्यारि धोन्के आँकुलान् ट्वालय् ल्यास्म्हा मुचापेन् मिलैजुयेन् डुयेन् येङन् नक्छेँलान् बाहार ट्वाल नापय् झोरलान् नामकाइमदउ जुयेन् छेरप्वालय् हङ ठाइँकु थ्येंकेयेन् खिखल्चाय् झोरकु तयेन् पुलेन् येय् चलन दमु ।

आन्थि पुलेन् येर्नसिन् बेस्न नुगरकुतु थिउ म्वारीय् लय् वो ढोलकय् ताल गुल्पनुं नस्पुटिकु ताङन् म्वओँ। आउ यिनागु बाजापेन् ताङन् ओयङ् हङन् पिर लगैजुर । तर थापरे बाजाक ठ्याकु दाजुकिंजपे बाँलकु ग्वाहार दउ खँ सिदत ययन चोन ।

थन्हुन् नसि द्वाल्खा शहरकु गुन्लाय् पर्व लगैजुर । आउ जिम्पेन्हु टुल्के निन्हस् ज्वङ राकस आले बल्न्हि द्वाल्खाय् चलनचल्तीकु हङ नेपाली राकस खाकेयेन् द्वाल्खा शहरकु चहक दयेन् ययेउ । यिनागु ताक्कु द्वाल्खाय् दाजुिकँज ताताकेहेँपेन् द्वाल्खा ओँगन् जात्रा ङाकेर्स अझ छुकुजु ।
ईथि गाठामा डुईकु ग्वाहार यङन दिउ द्वाल्खाय दाजुकिंज, तिताकेहे सुत्ता दोखुसेत दुपान नुगरलान्नसी बाँलकु टोङन सुभाय् वियन तय दमु हङन वडानाय् भाजु श्रेष्ठन थउ खँ पोन्के दिरहिन् ।

ईथितु राजकुलेश्वर आवासिय व्वङकुठीन थनु घण्टाकर्ण आमासीय महत्व व वय भूमीका हङ विषयकु थिगुर ठोलीबोली यङ खँ सिदत ययन चोन । ईथी पिगुरकलासननसी च्यागुर कलासटुल्लेय खुईङाम्ह मुचापे दातिकु सोङ्गु किपा व माष्टर भाजु तिर्थनारायण जोशीय ग्वाहारकु उ ज्य खँ सम्पन्न जुर हङन् व्यवस्थापन खलकय मुलमी भाजु अजय प्रधानन ईस्त सिके दिरहिन् ।

द्वाल्खाकु मेस स्याङ हातखुन्हु फूलपाती नखत मानेरित व ड्वाकु राकस् स्वइत दोखुनुं उइँलौ ।