बालकृष्ण श्रेष्ठ “पासा”
बाँपीझ्याला, येँ । नेपाल देशकु म्येथय् विषयकु म्वालेन् स्वर्न हातिकुं लिखन् म्वच्वंगु खोइँदमु । नेपालय् मेथउ मुचान्नसि ड्वाक् ड्वाकु मिपे म्येथय् ज्येखँकु हाखेन उइँम्वालै, तर उ म्येथय् ज्येखँकुं राजनीतिक खँ दुत ओङन् ठाइँकु थ्येइँ मल्गु थ्येइँ मफयेन् लिचिलिमल्गु ब्यालां मायाउ मखे उ नेपाल देशय् लागिन् दुर्भाग्य तु हर्स भातिचां मापायेउ जेउ सायद ।

म्येथउ मिपेन् घसान् हाकोङन् ठनउँकु थ्येइँ ताक्कु उकु चाकडी व चाप्लुसी येकुपिसिन् ड्वाक् ड्वाकु मिपे कूटनीतिक जालकु दोङन् पित येइ मफउ येक्कु दमु । उ दोखुनुकु थउ मि व मेबु मिय् भावनात्मक ज्ये स्वयेनुं गुखि छिरिउरि ज्ये खँय् कारण्न उ देशय् म्येथउ मिपेन् ताङन ओंगु खेउँ ।

नेपाल देशकु आउ जुकुन् मखे हाबि हाबिङ् गणेश थापा, हरि खड्का, मणि शाह, जुमानु राई, रमेश बुढाथोकी, देव नारायण चौधरी थिनागु बाँलस्के म्येथउ मिपिस्त राज्यन् नाम जुकुन् कायेन् थिपुल निस्पुल सिरपाउ व सम्मान बियेन् जुकुन् टारेङ खोइँदमु । गुनेङ् जीवनस्तर ल्वाप्ठोइँरि जेये गुं राज्यपक्षन् येङन्तये खोइ मद ।

भातिचा म्येथइसयेन् येर कि आमु म्येथइसउ मित कोत त्यालि त राजनीतिक चलखेल येङन् च्वंङ कारण्नं नेपालय् खेलपेन् हत्तपत्त थात येइ मफयेन् च्वंगु खँ त गुनानुं मखे हरिमफयेउ जेउ ।

नेपाल देशय् म्येथउ म्येथइ सउ मिपिस्त बरु पिपान देशलान् सम्मान येङन् मल्गु ढ्याबा बियेन् थउ देशकु येनहिन् तर नेपालय् राज्यकोषलान् तु ढ्याबा इसिन् इसि म्येथउ मि पित म्वछ्वगु इसिन्तु मल्गु ढ्याबा बियेन् व्यवस्था येरि हङन् हरि मफये लागिन्तु खेलाडीपे मनस्थिति नास जुयेन् हङ ब्यालाकु बाँलस्के म्येथइ मफये खेउँ ।

नेपाल्न म्येथय् गेमकु क्रिकेट, टुटिभकुण्डो, ल्हाहा भकुण्डो, कराँते, बक्सिङ, जुडो थिनागु संसारकु तु चलैजु म्येथय् गेमकु नाम मजाकेय् मखे आन्थिनुं पिपानय् देशय् मेथउ खेलाडीय् ल्याखाकु हाखेन येइ मफये थितातु कारण हङ राज्य खेन्नलान् निस्पक्ष व सहुलियत दके ज्ये येरि मफयेतु खेउँ ।

आउ येउता जुर्सं उ ब्यालाकु नेपालय् टुटि भकुण्डो म्येथयेकु विश्व वरियताकु सुधारक ज्ये येङन् निस्पाराक थात ययेकु रसताइतु मल । हाबि १६९ तहकु च्वंगु नेपाल आउ १६७ कु थ्येङकु बधाई तु बिमल । नेपाल ५० गुर तहकु थेइँत वा माङस खोइँरि जुकुन् खेउँ । हात्त हर्स जापान देशय् म्येथउ मिपेन् विश्वकपकु गुल्पुल थ्येङन् वा २० तहकु थ्येइँ मफउ नि । आन्थितु चीन, कोरिया, साउदी अरब थिनागु देश नेपाल स्वयेन् गुलि हाखेन च्वन ।

विश्व वरियताकु बेल्जियम थितहय् ल्याखाकु च्वंगु दमु हर्स ब्राजिल निस्तहकु, फ्रान्स सोँतहकु, अर्जेन्टिना पितहकु च्वङन् चणवंगु दमु ।