Aug 19 2026 | २०८३, भाद्र ३ गते
२०८३, भाद्र ३ गते
Aug 19 2026 | २०८३, भाद्र ३ गते
घत्के ओल्ते हाबिङ् जुतु खेउँ हङन् थउ जिद्दि येङन् बिकालकु ठाइँ त्वार्तै मजि । उ ताजा खँ खेउँ । कोरोनाय् व्यथान् सिरितु मज्यूपेन् सित, सिरिमाल्गु मिपेन् सित।।। उ खँ त काल येउपेन् सित मन्त हङन् बगर न्हिपुन् टोइँ मज्यू ब्याला ययेन् च्वन । उ कोरोना व्यथा येइ स्वयेन् हाखेन हस्कार येर्न मिपिसिन् घत्केङ् अर्थ ल्याकु जु, गिथिकि बल्न्हि येउ हस्कार त अलच्छिनी हङन् बोल बिइउरि, सुन्हि येर्स व्यथा तायेङ् हङन् आशिक बिइउरि, न्हिनस येर्स गुनानुं लुवंकेर्जु ज्येउ आले हस्कार येर हङन् मन्न टोइँरि छिजि हाबिन्नसिय् मखेउ सन्देश खेङ् ।
गुल्परि छिजि काँठाकु हातिङ् किर (भाइरस) धुलो, कुँलान् येउ उसउ कारण्न हस्कार येउ खेङ् हङन् थुइमल, उ हस्कार तर्न दुपान्नसि बल पित ययेन् सास घत्के सलि मजियेन् पित ययेन् घुस्ना तैथें येङन् ड्वाक्कु सर पित येर, आम्ताक्कु दुपान थायेन् च्वंगु खाका नापं सुलेन् च्वंगु कीरपेनुङ् पित येर । आमु किरपेन् थिपुलं फसकु ब्वयेन् नाप च्वंगुय् सास नापं दुत उइँफरै । आले हस्कार तउ मि मफउ म्वजुर्सं हस्कारलान् पितयेउ फोहरी कीरन् हातिङ् म्वजुतं व्यथान् थि फरै, उ खँ थुकेइमल्गु दमु ।
जा नइताक्कु हस्कार येर्न छिजि पुर्खापिसिन् ुअलच्छिनेु हङ अर्थ तु उ हस्कारन कीरपेन् पित छोयेन् जा केँकु लत हर्स आमु नउ मि मफउ जु जुर, आले हस्कार तउ मि अलच्छिनी जुइरि अस्वाभाविक मखेले ।
झन् देसान् न ज्वङ ताक्कु, कोन्पुयेन् च्वङ ताक्कु वा उ हस्कारलान् टायेन् तु जुइमल । बाजे बराजुन् वास्तविक खँ थुर्सं मथुय् सुकायेन् थिथिता खँग्वारा (शब्द) तयेन् सचेत येरिम्वाले खँ त थउ थुकेइ फइमल । घत्के थें मिपिसिन् थुयेन् हतै हर्स, ओल्तेचान् मथुइ फरै, आनागु खँ कु थउ तु सचेत जुइमल ।
झन् थन्केसि कोरोनाय् घत्केङ रूप पितययेन् च्वन, उ ताक्कु हस्कार तर्न थउ त सोयेन् थउ नाप च्वंगु त ख्याल् तैमल, मितुका थउ ले रोग व्यथा वा थउ मखे हङ खँ त मनकु तयेन् दोखुसें भिंगु टोइँलोउ ।
१९९७–०७७–०७८
© 2026 All right reserved to bampijhyala.com | Site By : Sobij
