Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
खँ तार्नसिनुं काँठा तु उलुउलु जुयेन् प्याटा प्वास्ठुयेन् ल्होयेउरा हङ थिनागु खँ ताइदमु । बटीय् खीलान् दकेय् कफी उ लोककुतु बेस्न महँगो ढ्याबा पुलेन् कफी तोंगुपेनुं उ लोककु दउजिन हङ खँ ताइदत । उ कफिये नाम कोपी लुवाकू खेङ ।
इण्डोनेसियाय् मनिला कफी छेंलान् पितकाये हातिलान् दकेरै हङन् खँ न्येन्नसिन् दोखुनुं म्ये वान्ङायेन् अचम्म ताइफरै । उ कफी जन्तुपे खीलान् दकेरै हँ ।
जंगलकु दउ घुबटीन् फाङ खीलान् दकेय् कफी उ लोककु तु बेस्न महँगोकु काइबिइ येतहिन् । इण्डोनेसियाय् जंगलकु दउ पाम सिभेट हङ घुबटिय् खीलान् दकेय् कफीय् दाम १ किलोय् अमेरिकी डलर ७०० सर खेङ् । आमु अनुसार नेपालय् ढ्याबा ७३००० टाका लत ।
वास्तविकतारि आमु कफी घुबटिन् फाङ खी तुं कफी दकेय् मखे कि आमु खीकु दउ कफीय् पुया लिकायेन् दकेउजिन । आमु घुबटि बनजंगल दुपान नापलङ कफीय् फल नर्न पुयाउरि पच्यारि मफयेन् गिथि नरै आन्थितु फाङन् छोय् लागिन् मिपिसन् आमु पुया ग्वार्मुङ्न् सिलेन्, नुच्चके नियेन् वा पेलेङन् कफी दकेउजिन ।
उ जंगली कफी खेउँ । हत्तपत्त नापमलत, आले जंगलकु च्वंगु घुबटिन् उ कफिय् फल म्वालेन् म्वालेन् नरै तर पुयाउरि पच्यारि मफउजिन । आले आमु घुबटिन् फाङ खी म्वालेन् कफीय् पुया ग्वार्मुङन् कफी उत्पादन येङन् बजारकु मिये खँ ताइदत । उ कफी मिपे स्वास्थत घत्केङ ज्ये बिये लागिन् महत्वजु खँ पितयेउ खेउँ । आले घुबटिय् खीलान् कफि दकेय् हत्न अचम्मित मजुयेउरा ?
१९९७–०७७–०७८
© 2026 All right reserved to bampijhyala.com | Site By : Sobij
