पिब्न देश्य मिपिस्त थउ ठाइँकु सत्तयन् थउ ठाइँये मुल खँ, सुलेन्च्वँगु हाबि हाबिय ज्य खँपेन् केइँ फर्स आमु ठाइँय नां जायन् यल्पनु बाँलकु खँय भिङ्गु प्रचार जुयन् च्वयङ् हङ उद्देश्य तयन् हाखेन उइँत पोखरालान् बातिचा टाएन ठाइँकु च्वँगु “उल्लेरि” य मिपेन् ब्यालाकु तु निर्न चायन् डोङन् च्वनहिन ।

पोखरा उपमहानगरपालिकाय २२ ल्याखाः वडाकु च्वंगु उ ठाइँ, थउतु संस्कृति व प्रकृतिन् थिखायन् च्वँगु बाँलकु ठाइँ खेउँ । बार्मुन्, क्षेत्री, गुरुङ व कोजातय मिपेन् नापज्याङन् च्वँगु उ ठाइँय थउतु मुल खँ, नखतचखत, जात्राय विशेषता बुयन् च्वँगु ख्वइँदमु । उकुलान् खोइँदउ त्वायौ च्वापा छेँ, वँगौ वनपेन् आले छाँगापिसिन् थिगुर ब्यागल तु रसताईदउ, मनत्यागु खँ दमु ।

पर्यटकीय ल्याखाःन् यक्कु सम्भावना दर्सङ उकु च्वँगु मिपिसन् ब्यालाकुतु यिनागु ज्य खँकु लाहा तैत मनकु टोइँ मफय कारण न उ ठाइँ त बाँलस्केइत लिबाकु थिनागु चायन् यउ खोइँ दमु । मेबु ठाइँय मिपिसिन् ठाइँ ठाइँकु छेँबास्य ज्यखँ यङन् घत्केङ नां जाकेय वंगु खोङन्लि उकुय मिपेनुङ निर्न चायन यउ खोइँ दमु ।

उ तु कारण न उकुय मिपिसिन् निदँ हाखेनन्नसि समाज छेँ हङन् थिगर छेंकु आँकुय संस्कृति व मुल खँ केइँ जिउ ज्यखँ त, प्याखन् उके म्ये हल्के यउ मिपिस्त रसताकेइरी उद्देश्यन् आमु ठाइँकु पेगुर छेंबास चल्याङन् च्वङ खँ उल्लेरी सामुदायिक छेँबासय छ्यान्जेन् थउ खँ पित हायन तरै ।

छेँबासकु च्वइँत यउपिस्त आम्ठाइँकु बुकेय् काँकर म्वार व आँकुय बुँ स्वाँराकु पितयउ केँ दके निजा नकेइरी रीति तय खँ पेन् हङन् निनसय निजा व बल्नीय जा नकेय्कु थिम्हाय थि दोल ढ्याबा कारहिन् । आले उल्लेरीलान् थाबि ट्वापरकु च्वँगु थाप्ले हङ ठाइँकु यङन् आँकुलान् खोइँदउ बाँलकु बाँलकु च्वापा छेँ व छाँगापेन् केङन् पिपानलान् यउपिस्त रसताकेय् खँ आँकुतु च्वँगु मि भाजु जित बहादुर गुरुङन हङनदिर्जु ।

समुद्रय क्वतहलान् २०५६ मीटर थाबि च्वँगु उ ठाइँकु “थाप्ले टाइगर हिल” नां तयन् प्रवद्र्दन विकासय ज्य खँ पित हाईउरी, यरिउरि खँ समाजसेवी भाजु मीन प्रसाद शिवाकोटीन हङन्दिर्जु । आमु भाजुय खँ थेँ उकु थिमा सिद्धबाबान् च्वङ कुटी दकेय्न् आँकु तपस्या यङन् ड्वाकु ज्ञान कायेन् वङ ठाइँ खेउँ ।

उ ठाइँकु बैशाख पुनिस खुन्हु जात्रा ङाकेरहिन्, उकु पुजा यङन् स्याउदार यउपिस्त मनकु टोङ खँ नापलतै हङ ड्वाकु विश्वास दयलागिन् उकु यउपिसिन् ध्वजा व घण्टापेन छायन् वनहिन् ।

थाप्ले हङ ठाँईंलान् पोखराय ख्वाल जुकुन् मखे गोरखा, लम्जुङ व पाल्पाय हाखेनय ठाँईं खोइँदमु आन्थितु धवलागिरी, अन्नपूर्ण, माछापुछ्रे व गौरीशंकर च्वापाछेंय ख्वाल बाँलस्के खोइ दयलागिन् मिपेन ययन च्वनहिन् हङन् टाइगर हिल चल्याङन् च्वँगु भाजु मानसिं गुरुङय थउ खँ दमु ।

उ थापलेय सिद्धबाबा थानकु कास्की व स्याङ्जा जिल्लाय उल्लेरी, ढाबा, गल्लेरी भुम्देन हङ गाउँय मिपेन स्याउदार व स्वर यरहिन् । अझ उ ठाइँलान् प्याराग्लाइडिङ तर्स झन् बाँलेरेउ थिनागु खोईँदमु हङ खँ दमु ।

गुलि गुलि मिपेन् यइ उइँ यतै आम्लितु ज्यखँ थपरि मल्गु खोइँ दमु । उकुलान् हाइकिङ यरितङ बाँलकु वातावरण दमु । यिथि जुयन्तु थाप्लेकु दउ देउ देगलय थिगुरी पेस्सर मीटर पार्खल डोङन् तयदमु, उल्लेरिन् नसि थाप्लेटुल्के लुङाय ठोथ दकइत प्रदेश सरकारन २० लाख ढ्याबा बियेन्लि दकेय् दमु ।

आन्थितु हाइकिङ सुनि लिङायन् यउपिसिन् म्येथय् ठाइँ दर्स अझ बाँलरेउजेउ हङन् खँ पितकाये लागिन् दोखुसेके ढ्याबा ग्वार्मुङन् १२ लाख ५० दोलकु बास्केट बल कोर्ट दकेय् खँ छ्यान्जे गुरुङन हङन दिर्जु ।

यिथितुङ् थाप्लेकु महानगरपालिकान् ढ्याबा ग्वाहार बियन्लि पाईखान दकेय् दमु पश्चिमाञ्चल क्षेत्रिय ट्रेकिङ एजेन्सीये नाय सुशीलराज पौडेलन पोखराय कुभिण्डेन् नसि, थाप्ले पञ्चासे टुल्के टुटीन् लिङाई त यङ्गके थ्येइँ फकेइत मुल दकेइरी खँ जुयेन च्वंगु दमु यिथि यरि फर्गु हर्स छेँबास च्वन्द यउपेन् झन् रसतायउ हङनदिर्जु ।