Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
गणेश कुमार श्रेष्ठ
थन वा मातृ भाषा दिवस हँ
ताङनउई टानई लाईत थाै माँ खँ
नाेन्टुईमल थाै माँ खँ सागत नापलर्न
गुली रस्तायन यर मन थाैमाँ भाषतार्न ।१।
लास्चाई मटे गुनानु थाै माँ खँ लाईत
दखुनु ग्वाहारविईमल थाै भाष थाँ हाइत
ग्यारिमटे गुनानु हातिउ हरितनरा हङन
गाैरब यारिमल थाेैतु माँ खँ तरगु लङन ।२।
व्दाल्खा,ताैथल,लिस्ति अले दुतिय खँ
बाति बाति पार्सउ घत्केथे मिलैजुर हँ
यिउ पेठाईयतु मिपेन दखु मिलैजुयन
थाेङ दखुं वेले थाै माँ खँ तु फिजैजुयन ।३।
बाँखन, चिबाँखन, चियखँ , मे च्वइसउन च्वईमल
थाै माँ खँ कु च्वय दखुुताउ म्वालेन म्वालेन बाेईमल
च्वउन च्वयनजुकु मजी बाेगु पसिननु बाेङन बिईमल
अाउतुु यारिमल माँ खँय सेवा लिवि हातिउ हरिमद ।४।
छिजि माँ भाषाय शब्द भण्डार थिखा केईत
विईमल ग्वाहार नक नक किताव पितकाइत
उल्था यारिमल मेपु भाषाय किताव छिजि भाषकु
जिसिनतु कर्म यारिमल चाेईमजि चाेईत मेवै अासकु ।५।
जिन सय फयथे ईनाप यात्कि भाजु मैजु दखुतउ
थाै हातिउ मयाङन मेवस्त मुथुकु याैथे हकुतउ
छिजि माँ खँ म्वात्के तईत थाै माँ खँ लाईतुमल्न
भत्केउ डिन्गु जिसि अाउवा दखुं दखुं डाईतुमल्न ।६।
हेटाैडा-४ चिल्ड्रेनपार्क
२०७७/११/०९
१९९७–०७७–०७८
© 2026 All right reserved to bampijhyala.com | Site By : Sobij
