आजको प्रतिस्पर्धात्मक युगमा एउटै क्षेत्रमा उत्कृष्ट बन्नु नै चुनौतीपूर्ण मानिन्छ। तर केही युवाहरू आफ्नो मेहनत, अनुशासन र आत्मविश्वासका बलमा एकभन्दा बढी क्षेत्रमा सफलताको उदाहरण प्रस्तुत गरिरहेका छन्। त्यस्तै बहुआयामिक व्यक्तित्वमध्ये एक हुन् रिधिशा श्रेष्ठ। शिक्षा, व्यावसायिक नेतृत्व, सौन्दर्य प्रतियोगिता, चित्रकला, गायन तथा समाजसेवालाई समान रूपमा अघि बढाउँदै उहाँले युवा पुस्ताका लागि प्रेरणादायी उदाहरण प्रस्तुत गर्नुभएको छ।

वि.सं. २०६२ साल भदौ ७ गते काठमाडौं महानगरपालिका–१६, म्हेपीमा जन्मिनुभएकी रिधिशा श्रेष्ठ राधेश्याम श्रेष्ठ र रिना चाकुबजीकी कान्छी सुपुत्री हुनुहुन्छ। बाल्यकालदेखि नै अध्ययनशील, सिर्जनशील र अनुशासित स्वभावका कारण उहाँ विद्यालयका विभिन्न अतिरिक्त गतिविधिमा सक्रिय हुनुहुन्थ्यो। परिवारबाट प्राप्त संस्कार, शिक्षाप्रतिको लगाव र निरन्तर प्रोत्साहनले उहाँलाई आजको सफल यात्रासम्म पु¥याएको हो।

उहाँले प्राथमिक तह दि एक्सलसेर स्कुल, माध्यमिक शिक्षा (एसईई) तथा कक्षा १२ समृद्धि स्कुलबाट पूरा गर्नुभयो। त्यसपछि लेखा तथा वित्तीय व्यवस्थापन क्षेत्रमा अन्तर्राष्ट्रिय स्तरको दक्षता हासिल गर्ने उद्देश्यसहित उहाँले Certified College of Accountancy (CCA) बाट Association of Chartered Certified Accountants (ACCA) अध्ययन सुरु गर्नुभयो। यससँगै Kathmandu Business Campus बाट स्नातक तहको अध्ययन पनि निरन्तर अगाडि बढाइरहनुभएको छ। कठिन शैक्षिक कार्यक्रमलाई सफलतापूर्वक अघि बढाउँदै उच्च शिक्षाप्रतिको आफ्नो समर्पण उहाँले निरन्तर अगाडी बढाई रहनु भएको छ ।

शैक्षिक यात्रासँगै उहाँले व्यावसायिक क्षेत्रमा पनि उत्कृष्ट जिम्मेवारी निर्वाह गरिरहनुभएको छ। हाल उहाँ Certified College या Accountancy (CCA) मा Admin In–Charge तथा Lecturer का रूपमा कार्यरत हुनुहुन्छ। प्रशासनिक व्यवस्थापनदेखि विद्यार्थीहरूलाई अध्यापन तथा करियर परामर्श प्रदान गर्ने कार्यमा उहाँ सक्रिय हुनुहुन्छ। शिक्षा केवल प्रमाणपत्र प्राप्त गर्ने माध्यम नभई व्यक्तित्व निर्माण र समाज परिवर्तनको आधार हो भन्ने विश्वासका साथ उहाँ नयाँ पुस्तालाई गुणस्तरीय शिक्षा र सही मार्गदर्शन प्रदान गर्न प्रतिबद्ध हुनुहुन्छ।

सौन्दर्य प्रतियोगितामा पनि रिधिशाले आफ्नो प्रतिभा, नेतृत्व क्षमता, आत्मविश्वास र सामाजिक उत्तरदायित्वको उत्कृष्ट परिचय दिनुभएको छ। मिस नेवाः ११४३ प्रतियोगितामा उहाँले First Runner–Up तथाMiss Public Choice को प्रतिष्ठित उपाधि जित्न सफल हुनुभयो। यी उपलब्धिले उहाँको व्यक्तित्व, लोकप्रियता र सामाजिक प्रभावलाई थप उचाइ दिएको छ। यसअघि Miss Samriddhi २०२२ तथा Kids Queen Nepal २०१४ अन्तर्गत Miss Discipline को उपाधि प्राप्त गर्दै उहाँले अनुशासन, नेतृत्व र सकारात्मक सोचको उत्कृष्ट उदाहरण प्रस्तुत गर्नुभएको थियो।

कला उहाँको जीवनको अर्को महत्वपूर्ण आयाम हो। विशेषगरी चित्रकलाप्रति उहाँको गहिरो लगाव रहेको छ। राष्ट्रियस्तरका विभिन्न चित्रकला प्रतियोगितामा सहभागी भई उत्कृष्ट स्थान हासिल गर्नुका साथै उहाँले आफ्नो सिर्जनात्मक क्षमताको परिचय दिनुभएको छ। कला उहाँका लागि मनोरञ्जनको माध्यम मात्र नभई समाजमा सकारात्मक सन्देश प्रवाह गर्ने प्रभावकारी साधन पनि हो। त्यसैगरी भ्मग क्बलवब िद्वारा आयोजित राष्ट्रव्यापी हस्तलेखन प्रतियोगितामा प्रथम स्थान प्राप्त गर्दै उहाँले सिर्जनशीलता, धैर्यता र उत्कृष्ट प्रस्तुतिको परिचय दिनुभएको छ।  

चित्रकलासँगै गायनप्रति पनि उहाँको विशेष रुचि रहेको छ। संगीतले व्यक्तित्वलाई अझ संवेदनशील, सिर्जनशील र सकारात्मक बनाउने विश्वासका साथ उहाँले सांगीतिक गतिविधिमा पनि निरन्तर सहभागिता जनाउँदै आउनुभएको छ।

समाजसेवा रिधिशा श्रेष्ठको अर्को महत्वपूर्ण परिचय हो। समाजमा सकारात्मक परिवर्तन ल्याउन युवाहरूले सक्रिय भूमिका खेल्नुपर्छ भन्ने सोचका साथ उहाँ विभिन्न सामाजिक, शैक्षिक तथा जनचेतनामूलक कार्यक्रममा सहभागी हुँदै आउनुभएको छ। शिक्षा, नेतृत्व र सामाजिक उत्तरदायित्वलाई एकसाथ जोडेर समाजमा दीर्घकालीन योगदान दिने उहाँको लक्ष्य रहेको छ।

नेपालको धार्मिक, सांस्कृतिक तथा ऐतिहासिक सम्पदाप्रति पनि उहाँको विशेष रुचि छ। उहाँले दोलखाको विश्व प्रसिद्ध भीमेश्वर मन्दिर, त्रिपुरासुन्दरी मन्दिर, पाण्डव गुफालगायत विभिन्न धार्मिक तथा पर्यटकीय स्थलहरूको भ्रमण गरिसक्नुभएको छ। नेपालको मौलिक संस्कृति र सम्पदाको संरक्षण तथा प्रवद्र्धनमा युवापुस्ताको सहभागिता अपरिहार्य रहेको उहाँको विश्वास छ।

रिधिशा श्रेष्ठ आफ्नो सफलताको आधार आफ्ना आमाबुबाबाट प्राप्त प्रेरणा, संस्कार र समर्थनलाई मान्नुहुन्छ। इमान्दारिता, अनुशासन, निरन्तर मेहनत र सकारात्मक सोच नै जीवनका सबैभन्दा महत्वपूर्ण मूल्य हुन् भन्ने विश्वासका साथ उहाँ आफ्नो व्यक्तिगत तथा व्यावसायिक यात्रालाई निरन्तर अघि बढाइरहनुभएको छ।

शिक्षा, नेतृत्व, व्यावसायिक दक्षता, सौन्दर्य, कला र समाजसेवाको सुन्दर संयोजन बनेकी रिधिशा श्रेष्ठ आजका युवापुस्ताका लागि प्रेरणाको स्रोत बन्दै जानुभएको छ। आफ्नो ज्ञान, अनुभव र क्षमतामार्फत समाजमा सकारात्मक परिवर्तन ल्याउने दृढ अठोटका साथ उहाँ भविष्यमा राष्ट्रिय तथा अन्तर्राष्ट्रिय स्तरमा समेत नेपालको प्रतिनिधित्व गर्ने लक्ष्यतर्फ आत्मविश्वासका साथ अघि बढिरहनुभएको छ। उहाँको निरन्तरको मेहनत, लगन र सकारात्मक दृष्टिकोणले अझ उज्ज्वल भविष्य निर्माण गर्ने विश्वास गर्न सकिन्छ।

यसै गरी रिधिशा श्रेष्ठ सानै उमेरदेखि लगनशिल भएर पढ्ने र सामाजिक क्षेत्रमा सहयोगी भावनाले प्रेरित भएको कारणले द्वाल्खा म्यासमुचा खलक, छिजि द्वाल्खा डोबर लगायतका संघ–संस्थाहरुले आफुलाई सम्मान गरेकोमा खुसी व्यक्त गर्दछ ।

यस कार्यमा सफलता प्राप्त गर्न सफल होस् भनी दोलखा भीमेश्वरमा प्रार्थना गर्दछौं ।