Aug 22 2026 | २०८३, भाद्र ६ गते
२०८३, भाद्र ६ गते
Aug 22 2026 | २०८३, भाद्र ६ गते
नेपाल सम्वत् ११४६, चिल्लागाः ३, (२२ फागुण, २०८२, ६ मार्च, २०२६) शुक्रबार, बाँपिझ्याला । नेपाली कांग्रेस ले प्रतिनिधि सभा सदस्य निर्वाचनमा मुस्ताङ जिल्ला बाट आफ्नो खाता खोलेको छ। एक मात्र निर्वाचन क्षेत्र रहेको मुस्ताङबाट कांग्रेसका उम्मेदवार योगेश गौचन थकाली विजयी भएका हुन्।
मुख्य निर्वाचन अधिकृतको कार्यालयका अनुसार थकालीले ३ हजार ३०७ मत प्राप्त गर्दै जीत हात पारेका छन्। उनका निकटतम प्रतिस्पर्धी इन्द्रधारा विष्ट (नेकपा एमाले) ले १ हजार ८०६ मत प्राप्त गरेका छन्।
योसँगै थकाली दोस्रो पटक प्रतिनिधि सभा सदस्यमा निर्वाचित भएका छन्। यसअघि २०७९ सालको प्रतिनिधि सभा निर्वाचन मा पनि उनले ३ हजार ९९२ मत प्राप्त गर्दै जीत हासिल गरेका थिए।
मुस्ताङमा कुल ११ हजार ३२८ मतदाता रहेकोमा यसपटक ६ हजार ३९७ मत खसेको थियो। एक मात्र निर्वाचन क्षेत्र रहेको मुस्ताङमा कम मतदाता भए पनि यहाँको चुनावी परिणामलाई राष्ट्रिय राजनीतिमा प्रारम्भिक संकेतका रूपमा हेरिएको छ।
१९९७–०७७–०७८
© 2026 All right reserved to bampijhyala.com | Site By : Sobij
