Aug 22 2026 | २०८३, भाद्र ६ गते
२०८३, भाद्र ६ गते
Aug 22 2026 | २०८३, भाद्र ६ गते
नेपाल सम्वत् ११४६, चिल्लागाः ३, (२२ फागुण, २०८२, ६ मार्च, २०२६) शुक्रबार, बाँपिझ्याला । रञ्जु दर्शना (रञ्जु न्यौपाने) राष्ट्रिय स्वतन्त्र पार्टी (रास्वपा) बाट काठमाडौँ क्षेत्र नम्बर १ मा प्रतिनिधि सभा सदस्यमा निर्वाचित भएकी छन्।
अन्तिम मतगणना अनुसार उनले १५,४५५ मत प्राप्त गर्दै स्पष्ट मतान्तरसहित विजय हासिल गरिन्। उनका मुख्य प्रतिस्पर्धी प्रबल थापा (नेपाली कांग्रेस) ले ६,३६४ मत प्राप्त गरे भने रवीन्द्र मिश्र (राष्ट्रिय प्रजातन्त्र पार्टी) तेस्रो स्थानमा रहँदै ३,९७२ मत पाए।
३० वर्षीया रञ्जु दर्शना पहिलो पटक प्रतिनिधि सभामा पुगेकी हुन्। यसअघि उनी काठमाडौँ महानगरको मेयर पदमा उम्मेदवार बनेर राष्ट्रिय स्तरमा चर्चामा आएकी थिइन्।
काठमाडौँ–१ लामो समयदेखि नेपाली कांग्रेसको प्रभाव रहेको क्षेत्र मानिन्थ्यो। तर यसपटक रास्वपाकी उम्मेदवार रञ्जुले ठूलो मतान्तरले जित निकाल्दै राजनीतिक समीकरण परिवर्तन भएको संकेत दिएको विश्लेषण गरिएको छ।
मतगणनाको अन्तिम चरणसम्म आइपुग्दा रञ्जु दर्शना लगातार अग्रता कायम राखेकी थिइन्। धेरै मतदान केन्द्रको मतगणना सकिँदासम्म उनी प्रतिस्पर्धीभन्दा दोब्बरभन्दा बढी मतले अगाडि थिइन्।
यस चुनावमा राष्ट्रिय स्वतन्त्र पार्टी देशभरका धेरै क्षेत्रमा अग्रता लिइरहेको देखिएको छ, जसले पुराना दलहरूलाई कडा चुनौती दिएको विश्लेषण भइरहेको छ।
१९९७–०७७–०७८
© 2026 All right reserved to bampijhyala.com | Site By : Sobij
