नेपाल सम्वत् ११४६, कछलागाः ११, एकादशी (२९ कार्तिक, २०८२, १५ नोभेम्वर, २०२५) शनिवार, बाँपिझ्याला । नेवाः राष्ट्रिय मुक्ति मोर्चा येँ महानगरपालीकान् थनु “संघियताय महत्व हो चुनौती” शिरकु अन्तर सम्वाद ज्य खँ सम्पन्न यत्चु ।

पालिका नायः ज्योतिय् सभापतित्वकु जुउ आमु अन्तर संवाद कार्यक्रम ज्य खँकु संघीय मामला खेन्नय् ज्ञाता पूर्व महान्यायाधीवक्ता, बरिष्ठ अधिवक्ता डा. मुक्ति प्रधान हो रेडियो नेपालकु नेपाल भाषाय् ज्य खँ हिल्के ययन चोङनदिउ पहिचान आन्दोलनय म्वालीख्वाली ज्य यङनदिउ उपेश महर्जनन् आमु ज्य खँकु सहजीकरण यङन् दिरहिन् । 

थउ मनय् खँ प्वन्केर्ङसिन डा. मुृक्ती प्रधानन् हङन दिरहिन्, संघियता नेपालकु आन्थिङ ययन चोन्गु मखे, झिदँटुल्ले नेकपा माओवादीन यङ सशस्त्र जनयुद्ध हो जनआन्दोलनय् फल खेउ । संघियताय् खँकु आन्थीङ मुचा म्येथयथे म्येथई मजिर । संघियताय गुली महत्व दमु आन्थीतु वत हाखेन यङन उईरीकु चुनौती दमु ।

थनु संघियताय कारणन् यत्ङ मिपेन गत्केङ हाखेन थेई धोन्हीन् । तर गुलीङ पार्टीय नाम डायन चोङन दिउपिसिन् संघियताय बेजत यरी धोन्हीन् । संघियता दुपान थनु न्यायपालीका, कार्यपालीका हो शासन पद्धती हिल्केईरी पक्षकु गत्केङ ज्य यरीत ठाकउ अवस्था दमु । ईथि दर्सङ वत हाखेन यईत ने.क.पा. (माओवादी केन्द्र) य् गत्केङ त्याग हो तपस्याय कारणन थनु उली जुयन ययन चोन । वत हाखेन यईत नेवाः राष्ट्रिय मुक्ति मोर्चान बाँलकुय लागिन् पहल यरी मल्गु ड्वाकु आवश्यकता दमु ।

थउ मनय् खँ प्वन्केर्ङसिन उपेश महर्जन हङन् दिर्जु, संघीयताय् महत्व हो मोथुपिसिन् खेउ मखेउ खँ लाईरी ज्य जुएन हर्स हावि पञ्चायतीकालकु दउ १४ अञ्चल, ५ विकास क्षेत्र हो ५ दोल गाविसय् दर्नसिन सोयन आउ खर्च ओल्तेचा जुयन चोङ्गु खँ त सुलेन थनुकेसी संघियताय् ज्य खँ न देश घाटाकु ओङन चोन हङन हरीउरी बाँलकु खँ मखे । ५ दोल गाउँपञ्चाय दउकु आउ नगरपालीका हो गाउँपालीकान् यत्न नस्सर व ङैईसोगुर दमु ।

ज्य खँय मुलपाउँना नेवाः राष्ट्रिय मुक्तिमोर्चाय् केन्द्रिय नायः उमेश स्थापितन् वर्तमान अवस्थाकु नेपालकु संघीय प्रणालीय् महत्व हो चुनौतिय् बारेकु सहजीकरण यङनदिउ डा. मुक्ति प्रधान हो उपेश महर्जनय् धारणान् यत्न थनुय ज्य खँकु दोखुनु खँ थेकेईत मलङलागिन् थिगुर ड्वाकु विचार गोष्ठी यरी मल हङन् दिरहिन् । 

सहजिकरण यङदिउ डा. मुक्ती प्रधान आले उपेश महर्जनत अन्तर सम्वाद ज्यखँकु नेवाः राष्ट्रिय मुक्ती मौर्चा केन्द्रीय पदाधिकारी आले सहस्यपेन सुत्ता, सरोकारवाला व्यक्तिपेन दातीकु अन्तरक्रिया खेउ ।