Aug 22 2026 | २०८३, भाद्र ६ गते
२०८३, भाद्र ६ गते
Aug 22 2026 | २०८३, भाद्र ६ गते
नेपाल सम्वत् ११४६, कछलागाः ७, पञ्चमी, (२५ कार्तिक, २०८२, ११ नोभेम्वर, २०२५) मंगलबार, बाँपिझ्याला, दोलखा । भीमेश्वर नगरपालिकाको आयोजना स्थानीय सशक्तीकरण कार्यक्रमको सहकार्यमा “स्थानीय सरकार असल अभ्यास आदान–प्रदान राष्ट्रिय कार्यशाला” हुने भएको छ।
नगरपालिकाका मेयर ईश्वरनारायण मानन्धरले आज आयोजित पत्रकार भेटघाट कार्यक्रम मार्फत यही कात्तिक २७ र २८ गते आयोजना हुने कार्यशालाको तयारी पूरा भइरहेको जानकारी दिनुभयो।
कार्यक्रममा भीमेश्वर नगरपालिकासँग भगिनी सम्बन्ध रहेका ललितपुर महानगरपालिका, जनकपुर उपमहानगरपालिका र जिरी नगरपालिका तथा दोलखाका नौवटै गाउँपालिकाका प्रमुख र उपप्रमुखहरूको सहभागिता रहने छ।
साथै देशका विभिन्न प्रदेशबाट कोशी प्रदेशको दमक नगरपालिका, मधेश प्रदेशको मिथिला नगरपालिका, गण्डकी प्रदेशको वालिङ र गल्याङ नगरपालिका, लुम्बिनी प्रदेशको तानसेन नगरपालिका, कर्णाली प्रदेशको विरेन्द्रनगर नगरपालिका तथा सुदूरपश्चिम प्रदेशको टोकापुर र भजनी नगरपालिकाका प्रमुख, उपप्रमुख तथा प्रमुख प्रशासकीय अधिकृतहरू कार्यशालामा सहभागी हुने नगरपालिकाले जनाएको छ।
१९९७–०७७–०७८
© 2026 All right reserved to bampijhyala.com | Site By : Sobij
