Aug 19 2026 | २०८३, भाद्र ३ गते
२०८३, भाद्र ३ गते
Aug 19 2026 | २०८३, भाद्र ३ गते
नेपाल सम्वत् ११४५, कौलाथ्वः १ प्रतिपदा (६ असोज, २०८२, २२ सेप्टेम्वर, २०२५) सोमबार, बाँपिझ्याला, द्वाल्खा । हिन्दू धर्मालम्बीपे ड्वाकु नखत महनी थनुन्नसी मा दुर्गा भवानी आले थि थि देउ देगलकु थापना यङन सोन तईरी ज्य खँ ङाकेर्जु ।
कर्णप्रिय मालश्री बाजाकय् धुन नाप नापङ खो, ओती, तलाउलान् यचउ जल, गर, करुवाकु फयन भगवतीय् देगलकु थेन्के थउ थउ देउठा त लुँओन्के आराधना यङन थापना यङन सोन तईरी चलन दमु । ईथि थापना यङन्री सोन तईरी चलन छिजि द्वाल्खाकु बाच्ता व्यागल व पाउ दमु ।
द्वाल्खा शहरय् नारायणचा ट्वालय गणेश देगललान् शुरु जुयन देक्वार, राजकुल देगल, भीमसीन देगल सुत्ता नामजाउ थि थि देगल अले द्वाल्खावासीन् थउ थउ देउकुठाकु भगवतीय् देउय् समीपकु निलाखु व शुद्ध फिई तयन जउ छरेङन सोन तईरी परम्परा दमु ।
द्वाल्खाय मल्लकालिन वती रातीकु थनुय न्हिकु स्थानीय पण्डित बाजेन थि थि देउठाय थाकती, पुजारी, गुठीयार व द्वाल्खाय् नामजाउ भाजुपे नाप ग्वारमुङन निलोखु फईरी चलन दमु । उ व्यला बाजेन नवदुर्गाय मन्त्रपेन ब्वङन कल कल हायन चोन्गु वतीकु सोन जाकी छायन निलोखु फईरी चलन दमु ।।
उ न्हि खुन्हु देक्वार, रासकुल, भीमसीन देउय् मुल पुजारी व थाकती नापनापङ मुल देउ देगलपे गरकु निलोखु फयन्ली मेवु मिपिसिन् निलोखु फईरी चलन दमु । निलोखु फयन सोन तईरी चलन मेले सोयन छिजि द्वाल्खाकु बात्चा पाउ व भिन्न दमु । वय संरक्षणय लागिन् छिजि थि जुईलों । द्वाल्खामीय् पहिचान छिजि भाषा, संस्कृती, सम्पदा व परम्परा खेउ ।
१९९७–०७७–०७८
© 2026 All right reserved to bampijhyala.com | Site By : Sobij
