नेपाल सम्वत् ११४५, यंलागा, एकादशी (१ असोज, २०८२, १७ सेप्टेम्वर, २०२५) बुधबार, बाँपिझ्याला । बाँपिझ्याला अनलाइन ब्वङ पतिय् न्हुलु प्रविधिय् विकास नाप नापं लिङायेन् थनु बाँपिझ्याला डटकम हिल्केय ङादँ पुरा जुयन खुदँ किन । ईथि ङादँ पुरा खुदँ किङ्गु व्यालाकmु दाखुनु दाजुकिंज, तिताकेहेपेन व शुभचिन्तकपिस्त भिङ्गु टोनगु । 

जुइत वा उ बाँपिझ्याला ब्वङपति वंगु २०५६ दँलान् नसि हाबि थिपत् निस्पत् भोंरलान् हा कोङन नेपाल म्यागाजिन्य ख्वाल बुयन् पितयउ खेउँ । उ ब्वङ खबरपति हा कोन्ङ, कोन्ङ लिङार्न लिङार्नं बाँलस्के मुल केङ्गु व लाहा जोङन् लिङाई सेङ्गु सउ ताउ ड्वाकुन्धान्गुपिस्त दुपान दुगरलान्नसी स्याउदाई अले बाँलकु टोनगु । 

गिथी यङन् जिर थउ माय् ठाइँ त बाँलकु व भिङ्गु यरित दोखुसेतं निर्न चाकेइ तु मल हङन् टुटी स्यार्सं, न्हिपु स्वार्सङ, क्वाडिन्सङ, खिङर्सं त्वाकर्सं, वा फस यर्संङ भुखाप न उ धर्ती त सोन्के थात कोत यर्सङ् थउ मुल त्वार्मतयेन् लिङायेन् थनु उ न्हुलु प्रविधिय् ज्ञान स्येङन् सकेयेन् उ ठाइँकु थ्येङन् च्वनगु  । ऊ खँकु छिजि दोखुनु खुसी चाईमल ।

उ ठाइँ टुल्के थ्येइँत हाबिन्नसि ग्वाहार बिउ द्वाल्खाय दाजुकिंज, तिताकेहे आले साङ त्वासपिस्त दुपान नुगर्नसि सुभाय् (धन्यवाद) बिरगु । दातिकु जाउदियेन् च्वंगु उ पति त लितं ल्वाप्ठोइँ लागिन् बाँलकु व भिंगु ज्यखँ सेइँत आले हाखेन बढै जुइत भरोसा बीउ मसय् खँ स्येङन् बिउ मानतयन दिउ दोखुनु मानदउपिस्त दोखुसेतङ मान तयन वियन तय दमु । ईथितु थउ भाषा संस्कृती त माया यङन इस्तं टेवा बीएन दिउपिस्त सुभाय् छायेन् मत्याङ खँ पोन्केरगु ।

छिजि द्वाल्खा मि खेङ्, द्वाल्खा हङन् भीमेश्वर नगरपालिका दुपानय् २ ल्याखाःय् शहरकु जुकुन् सिमित म्वजुगु, भीमेश्वर नगरपालिकाकु च्वंगु दोखुनु वडाकु दउ रीतिरिवाज, संस्कृति व मौलिक परम्परा त म्वालेन् ख्वालेन् दोखुसेतं ओंसिकेइरी पहल यरित इसिन बिन्ती छारगु ।

इथितुं बाँपिझ्यालालान् सोंकिपा पेन (वृत्तचित्र ) दके विश्वकु तु द्वाल्खा व दोलखा जिल्ला त तु ओंसिकेइ त समाचार पितछोइरी ज्ये यरिदोङ दम । इसिन् मसय् मसिय् खँपेन् ताय् माताय् ज्यखँ पेन् ग्वार्मुङन् हाखेन तइत दोखुनु आदरणीय पुजनीय पिस्के राय सल्लाह काय् जिररा, खं ब्वठयेन् जिररा, ठोलीबोली, अन्तर्वार्ता, संवादय् माध्यम न हाखेन लिङायन च्वँङ दमु । 

भाषा छिजी, संस्कृती छिजी, परम्परा छिजि, ठाँई छिजी बाँपिझ्याला छिजि हङन मनकु कायन ग्वाहार यरीलों । बाँलकु व भिङ्गु टोईलो हङन छिजि द्वाल्खाय मानदउ, मत्यारी मल्गु दोखुसेत ग्वाहार यङन थिठाई चोङन हाखेन उईत ग्वाहार यरीत् हङन आश आले विश्वास कायन चोङ दमु । 

थनु सोयन ङादँ हाखेननसि इन्टरनेटय् माध्यमलान् ज्य थालेत्कु ऊ खँ छिजि दोखुसेनुङ बाँलस्के सितु सिरगु । इसि दोखुनु सोयन् ड्वाकु ज्य खँ हङ तु द्वाल्खाकु हाबिन् नसि सोयन च्वङ, खोङन् च्वङ संस्कृति, नखत चखत ताङन् वन, वत् माताङ्केइत थपेन् जुकुन् मखे इसि जुकुन् मखे छिजि खेङ् हङन् हाखेन् उइँ तु मल हङ मुल लक्ष दमु । ईथि जुयन् छिजि दोखुसेनुङ उ बाँपिझ्याला डटकम हङ वा छिजि तु द्वाल्खाय् खेङ् ना ताङ्केइ मजि ल्वाप्ठोइँ मल हङन् दोखुनु थि जुएन ग्वाहार विईलो हङन् अनुरोध यतगु । 

द्वाल्खा त बाँलस्केइ मल, भिंकेइमल हङन् छिजि भीमसेन देउ दउ ट्वाल त जुकुन् मखे खरिढुंगा लान् नसि टासिनाम गोंगर टुल्के, कालिन्चोक देवी च्वंगु कालिन्चोक गाउँपालिकान् नसि जफे, मालु शहरे टुल्के छिजि दोलखा तु खेउँ हङ भावना छिजि सोमापेमा दुपान् जुकुन् मखे दोखुसेकेङ् तइलौ । आमु कारण न थउ न सिय, थुय, नापलङ द्वाल्खा दुपानय् जात्रामात्रा नखत–चखत त उ बाँपिझ्याला दुपान तइत दोखुसेनुङ् ग्वाहार बिइत हङन् भिंके मनकु टोङन् चोनगु । जय द्वाल्खा भीमसीन देउ ।