Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
नेपाल सम्वत् ११४५, यंलागा, तृतिया (२५ भाद्र, २०८२, १० सेप्टेम्वर, २०२५) बुधबार, बाँपिझ्याला । जेन जी य् नामलान् नेपालकु ल्यास्मापिसिन् यङ आन्दोलनकु निस्नुकुतु सत्ता पुल्चेर्जु । आउ ल्यास्मापे लाहाकु सत्ता हिल्लेकेईरी जिम्मेवारी ओङन चोन ।
उ भाद्र ८–९ गतेय् आन्दोलनकु नेपालय झिम्गुम्ह ल्यास्मापिसिन् थउ ज्यान विर्जु । ईथि आन्दोलकु गोलीन लङन देश व जनतापे लागिन् थउ हि विउ ल्यास्मापे आत्माय शान्तीय कामना नाप नापङ शोककु डुङन दिउ परिवारजनकु विचार विय दमु ।
ईथितु आन्दोलनय क्रमकु नेपालय मुल ज्यकुठी सिंहदबार, सर्वोच्च अदालत, राष्ट्रपती भवन, संसद भवन सुत्ता मेवु थि थि ज्यकुठी व पसलकु जेन जी य आन्दोलनय क्रमकु मिनुङ तियन नोलु दकेर्जु । आउ मेह्ग बल्लीय १० घडीन्नसी नेपाली सेनात देश ज्वग्यारी त व सार्वजनिक धन सम्पतीपेन खती मोजुकेईए लागिन् देश थउ लाहाकु काय खँ पित हायन तरै । जनतापिस्त पित यई मजिके छेँकुतु च्वईत च्वके तरै ।
नेपालय ईतिहासकु २००७ सालय आन्दोलनन्नसी सोर्गु हर्स आउ निस्नु हाखेनय आन्दोलनटुल्ले सत्ता परिर्वतन जुयन हिलेन ओङन चोन । उ जनताय असन्टुष्टय थिगुर नपना खेउ । उकु छिजि गुनानुङ चिस्यात्केई माबाल । तर मेह्ग छिजि पुर्खापिसिन् दके तय सम्पदापेन नास जुयन आकु दउ दसीपेन ताङ्गु अवस्था आले मिन नयन नष्ट जुय अवस्था दमु । उ खँकु नेपालीपेन दुःख चायन चोन ।
सरकारय यउसेन हिल्केर्सङ सम्पदान व पहिचान वा छिजि दोखुसेत म तु मल ज्यउ । आउ उ नास जुउ सम्पदापिस्त गिथी ज्वग्याङन तईरी आमु खँ वा आउ बनई जुउ सरकार न सियउ वय संरक्षण व स्याहारय लागिन् ।
आउ उ सोयन गत्के राष्ट्रय सम्पतीपेन नास मयरीलों । ऊ छिजि दोखुसेय सम्पती खेउ ।। वय लागिन् छिजि दोखनु समयीत जुईलो ।
१९९७–०७७–०७८
© 2026 All right reserved to bampijhyala.com | Site By : Sobij
