दोखुनु सोयन हाखेन थनु लकु कृष्णअष्टमीय व्यालाकु भिङ्गु टोनगु ।
नेपाल सम्वत् ११४५, गुलागा ७ सप्तमी (३० श्रावण, २०८२, १५ अगष्ठ, २०२५) शुक्रबार, बाँपीझ्याला ।  संस्कृती परम्परान थिखाउ छिजि द्वाल्खा शहरकु थनु सुनी नास्चान्नसी भैरवकुमारी (बालकुमारी) जात्रा धोन । थापरेय भैरबकुमारी जात्राकु न्हुलु गुभाजु भाजु विष्णुभक्त श्रेष्ठय सन्तान खेन्नलान् ड्वाकुन्ठान्गु कय रामभक्त श्रेष्ठन् ब्व कायन दिरहिन् । 

ईथितु शिवभक्ती परिवार सदस्य ङादँ खुदँ दउ मुचाज जात्राकु ब्व काईरी गत्केङ बाँलकु छिजिन् कायन चोनगु । आन्थीतु ल्यास्मा बाबुपिसिन् गत्केङ उत्साह कायन् जात्राकु ब्व कायन दिएन चोङकु खुसी लगई जुर । उ भैरब कुमारी जात्राय लागिन् थिगुर बाँलकु पक्ष सावित जुयन चोन । ईनागु बाँलकु ज्य खँकु छिजि दोखुसेनुङ सामाजिक रुपन थउ हातिन फरई आमुन ग्वाहार यरी मल्गु खोईदमु ।

जात्रा पर्व हङ गुङ यार्कचाय जुकुन मखे छिजि दोखुसेय खेउ । आमु जुयलागिन् वय वारेकु छिजि दोखुसेनुङ ग्वाहार यरीतु मल । साझी ज्यखँकु छिजि थउ न थउ पन्सई जुई म्वाल्गु हर्स हाखेन उई मफगु । वय लागिन् थउ जिम्मेवारी व दायित्व थुईतु मल । आले पुरा यरीतु मल ।

खाएउ तर खेउ खँ शिवभक्ती परिवारय री ङादँ खुदँ दउ मुचान ब्व कायन हेगौं कुमारीय चा जुयन चानसय १२ घडी टुल्ले प्याखन उयन लिङायन चोन । छिजि दाजुकिज, तिताकेहेपेनरी वा यउ निउकु, हिलो हङ निउकु छेँलान् पित मायागु । 

सामाजिक सञ्जालकु चोङन् जात्रा पित मायार हङन ब्वल विएन चोनगु । छिजि ठाँईकु हातीङ यरीत छिजि द्वाल्खाय ल्यास्मा ल्यासीमिसापेननु कसई जुयन हाखेन उई मल । मखे हर्स गुनान आकुय जात्रा पित काएउ ? नखत चखत ङाकेउ ? हाति थउ जिम्मेवारीय खँकु छिजि हात्त लिखन चिलगु ? फाईदा व अवसर काईताक्कुरी जि गुठीयार जि दाजुभाई खलक, जन पाला हङन ल्वातगु हात्त ज्यउ ? उ थिगुर दुःखय खँ जुयलागिन् यिनागु साझी ज्यखँकु छिजि थि जुयन उईलौं ।

पिपानलान् गसान गसान साँस्कृतीक हस्तक्षेप जुयन चोन आमुय बारेकु छिजि गुन्त वास्ता मद । थउ थउकु ल्वाङन जिम्मेवारीलान् पन्सई जुयन चोनगु । ईथि मयरीलौं हङन दोखुसेत मन दुपानलान्नसी थपे बाँलकुय लागिन् द्वाल्खा भीमसेन देउकु आशिक फोङन चोनगु । जय द्वाल्खा भीमसेन देउ ।