Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
नेपाल सम्वत् ११४५, बछलाथ्वः प्रतिपदा (३० बैशाख, २०८२, १३ मे, २०२५) मंगलबार, बाँपीझ्याला । नेवार जातिय ड्वाकु कुसा संगठन नेवार देस्य डोबर (नेवाः देय् दवु) य च्यागुर अधिवेशन बर्घाट सुस्तापुर्व, नवलपुरकु जुर ओङन चोन ।
नेपाल सम्वत् ११४५, बछलाथ्वः ४ (२ जेष्ठ, २०८२, १८ मे, २०२५) शुक्रवारन्नसी, (नेपाल सम्वत् ११४५ बछलाथ्वः ५ (४ जेष्ठ, २०८२, २० मे २०२५) आईतबारटुल्ले खेउ ।
ईथि सोनु टुल्ले जुर ओङन चोन्गु अधिवेशनकु नायः पवित्र बज्राचार्य, बरिष्ठ कोकजी चन्द्रलाल राजभण्डारी, नकिन रश्मिला प्रजापती श्रेष्ठ व मुल छ्याञ्जे सत्यनारायण डंगोल न नायः य पदकु उम्मेदवार विईरी घोषणा यरी धोन्के तयन तरै ।
तर आउय प्रदेशय कोकजी पिसिन् मेह्ग थिगुर विज्ञप्ती पित कायन मिलई जुईरी व नाप ज्याङन उईरीय विकल्प मेवु मदयलागिन् पदाधिरीकु चोङन दिउ सोम्ह भाजु मयजुपिस्न थउ यङ निर्णय त लितङ थिताल खोउग दिमाग न सोचेङ हाखेन् उई मल हङ खँ पित हायन तरै ।
नेपाल राज्यय् ७६ गुर सोयन गत्के जिल्लाय् नेवार दाजुकिंज, तिताकेहेपिसिन् ब्व कार ओङ आमु ज्य खँकु सुईङाम्ह सोयन गत्के दाजुकिंज, तिताकेहेपिसिन् थि थि पदकु थउ उम्मेदवार विई टेङ खँ पित ययन चोन ।
उतु शुक्रवारन्नसी शुरु जुई टेङ्गु अधिवेशनकु यरीमल्गु व व्यवस्था यरी मल्गु ज्य खँपेन धोङन चोङ हङन् नायः पवित्र बज्राचार्य थउ खँ प्वन्के दिरहिन् । ईथि थापरे नवलपुरकु जुर ओन्गु अधिवेशन ज्य खँ यरीउरी जिम्मा गण्डकी प्रदेशन् काय तरै हङन् नायः बज्राचार्यन् हङन दिरहिन् ।
आउ ईनागु खँ गुलि बाँलकु जुयउ गुली बाँलकु मोजुयउ हङ खँ कान्सान्नसी जुकुन थिदएउ हङ आकु नाप ट्वाकस्याङन चोन्गुपे थउ खँ दमु ।
नायः पबित्र बज्राचर्यान अधिवेशन बाँलस्के व भिन्के ङाकेईत दोखुनु जिल्ला, प्रदेश आले केन्द्रलान् जायन दिउ प्रतिनिधीपिस्त ईनाप यङन तयन दिरहिन् ।
१९९७–०७७–०७८
© 2026 All right reserved to bampijhyala.com | Site By : Sobij
