Aug 19 2026 | २०८३, भाद्र ३ गते
२०८३, भाद्र ३ गते
Aug 19 2026 | २०८३, भाद्र ३ गते
भाजु शिवजी प्रधान
भीनपा –२, गुरक्वार, द्वाल्खा
थीपु म्ये, थीपु चिय खँ
खोसु दुपान ताङन उयन चोङगु जीवन
सर्गकु हाकउ ईमा नापय गिद्ध
वोँकु पोम्टु फ्याटा फ्याटा यकु वोर्खुन
ग्वा जीन हाती खोन्गी
चोई हाती म्वालगी
थउतुङ् मसिगि ।
भानुभक्तन् वा घाँसीय वुहार खोँन्जु चोर्जु
जीन वा हातिङ मोखोन्गी
खोन्गी वा जुकुन
नई मोखोङ्गु, हातीङ मदउ, कोत्यालकु चोङन्
तीर्पायन खोयन चोङ्गु आले हाती हाती ।
आन्थे जुयन गुने हाती चोई
गुन्त ड्वाकके चोई ।
न जोंईत काँचा न टेक्काईत कोट्मा
टप्ज्याकु कपटीय सिंय थि ट्वाक
आन्थे जुयन हाती हङन् चोई
बुढी मान् नित्यङ कें हाती खुँई हङन ङेनई
बुढा बान् कयत दोखुसेय नाप
ज्य म्वालेन् विउ हङन् हतई
उक्न कयय थउतुङ् माङस न्हुलु नेपाल
अझङ म्वाङन् चोन गिथी थिनु मायायउ
आन्थिनुङ्
आन्थिनुङ्
नाप्पय साङत् मन्त्री जुर
पजेरो गर
ग्वा आम् सोयनुङ् गत्के ढ्याबा वोङ्गु वस् गर हँ
शहरकु ड्वाकु छें
तराईकु मिसाय नामकु जग्गा जमिन्
वैंककु सालाय नाम्कु ढ्याबा
आमेङ् माङस् चिचा मद
न्हुलु संविधान
आन्थिनुङ्
जिन् हात्त आमे खँ चोयन चोनगी
जिन हाती खोन्गी आमे दुपान्
चोई म्वालगी
जुुकुन खोन्गी
दुर्पु दुपान थउ छें चुल्के यँङ
विकास खोन्गी
दउ थी पटीङ् डोजरन यङ
आले
हरि माया ताताय खोबी खोन्गी
हाती हरि उ खँ
हाती चोई उ खँ
हाती लाई खँ गुन्त ड्वाकके
दम् जुकुन्
थिगुर माङस्
थिपु म्ये थिपु चिय खँ
गुनान् तायउ, गुनान थुयउ
न जिन् सम्झौता यरी फरगी
न यक्केई तुङ्
बम्, बारुद, ढ्याबा आतंक
बलात्कार, अपहरण, अन्याय, अत्याचार
हातीय खँ चोयन ताकेई ङेन्केई
आले चोई
जन नाप ५ वुंदे आले १० बुँदेङ मद
जन खँ लाउ, ङेङ्गु
गुङ् दलुङ् मद
गुनान उ जुईतु मल हङन्
संसद जाउथदिकेउ
जीन आमुङ् म्वाम्वाल्गी
जन छेंय वोर्खुन् थोवो
वाँलस्के थनउ्
ईमा खोङन् म्वाब्वाङन् थोंचो
ईथि जुयन जीन गुन्तङ् गुनेङ् खँ
चोई मफगी
जीन हाती खोन्गी, चोई हाती म्वालगी
जुकुन दम थीपु म्ये, थीपु चिय खँ
१९९७–०७७–०७८
© 2026 All right reserved to bampijhyala.com | Site By : Sobij
