Nov 06 2026 | २०८३, कार्तिक २०, गते
२०८३, कार्तिक २० गते
Nov 06 2026 | २०८३, कार्तिक २०, गते
नेपाल सम्वत् ११४७, कौलागाः ११, एकादशी (१९ कार्तिक २०८३, ५ नोभेम्वर, २०२६) बिहीबार, बाँपिझ्याला । नेपाल कम्युनिष्ट पार्टी (एमाले) दोलखा–काठमाडौं सम्पर्क समन्वय कमिटीले नेपालीहरुको महान् चाड शुभदीपावली, नेपाल संवत् ११४७ तथा छठ पर्वको अवसरमा शुभकामना आदानप्रदान तथा सामूहिक देउसी–भैलो कार्यक्रम आयोजना गर्ने भएको छ।
नेपाली मौलिक संस्कृति, परम्परा, रीतिरिवाज तथा धर्म–संस्कृतिको संरक्षण र प्रवर्द्धन गर्ने उद्देश्यले कमिटीले कार्यक्रम आयोजना गर्न लागेको हो।
कमिटीले विगतका वर्षहरूमा जस्तै यस वर्ष पनि पर्वहरूको अवसरमा आपसी सद्भाव, भाइचारा र सांस्कृतिक एकतालाई अभिवृद्धि गर्ने उद्देश्यले सामूहिक देउसी–भैलो तथा शुभकामना आदानप्रदान कार्यक्रम गर्न लागेको एमाले दोलखाका युवा नेता सन्तोष प्रधानले बताउनु भयो ।
कार्यक्रम आगामी २०८३ कात्तिक २३ गते सोमबार बिहान ११ बजेदेखि काठमाडौंको काँडाघारीस्थित सनसिटी पार्टी प्यालेस, खसीबजारमा आयोजना हुनेछ।
कमिटीले कार्यक्रममा सहभागी भई कार्यक्रमको गरिमा बढाइदिन दोलखाली तथा सम्पूर्ण शुभेच्छुकहरूलाई हार्दिक निमन्त्रणा गरेको छ।
१९९७–०७७–०७८
© 2026 All right reserved to bampijhyala.com | Site By : Sobij
