हजुरको आज बुधबारको दिन कस्तो छ ? रासिफल हेरौं ।

बाँपीझ्याला संवाददाता
बुधवार, भाद्र ३ २०८३०६:००
आजको राशिफल

आजको राशिफल - Today's Horoscope

२०८३ भदाै ३ गते (१९ अगस्ट २०२६) बुधवार, श्रावण शुक्लपक्ष सप्तमी तिथि। स्वाती नक्षत्र, ९:१८ बजेपछि विशाखा। चन्द्रराशि तुला।

उपप्रा. लक्ष्मीप्रसाद बराल (फलितज्योतिषाचार्य)

मेष - Aries

चु, चे, चो, ला, लि, लु, ले, लो, अ

परिवारजनको साथले उत्साह जगाउनेछ। विभिन्न सहयोग र उपहार पाइनेछ। सुखदुःखमा साथ दिनेहरू प्रशस्तै भेटिनेछन्। प्रेम र मित्रताको बन्धन कसिनुका साथै दाम्पत्य सुखमा रमाउने समय छ। कामको चाप र थकाइबाट मुक्त रही विश्राम पाइनेछ। व्यापार बढ्नाले आम्दानी पनि राम्रै हुनेछ। अतिथिका रूपमा सम्मान पाइने समय छ। रमाइलो यात्रा हुनेछ।

वृष - Taurus

इ, उ, ए, ओ, वा, वि, वु, वे, वो

मिहिनेतीहरूका लागि समय निकै उत्साहजनक रहनेछ। प्रतिस्पर्धामा विजयी भइनेछ भने द्वेष तथा ईर्ष्या गर्नेहरूले हार खानेछन्। पराक्रमद्वारा अधिकार स्थापित गर्न सकिनेछ। चुनौती चिर्दै काम बनाउन सकिनेछ। स्वास्थ्य सबल रहनेछ भने शत्रुहरू परास्त हुनेछन्। व्यापारलगायत आर्थिक लाभ हुने काम प्रारम्भ हुनेछ। महत्त्वाकांक्षी कार्य शुभारम्भ गर्ने समय छ।

मिथुन - Gemini

का, कि, कु, घ, ङ, छ, के, को, हा

काम बिग्रने भयले सताए पनि प्रयत्न गर्दा सकारात्मक संकेत प्राप्त हुनेछ। यात्रा गर्दा धनमाल सुरक्षामा ध्यान दिनुहोला। दोहोर्याएर प्रयत्न गर्दा लक्ष्य प्राप्ति हुनेछ। शुभचिन्तकहरूले साथ दिनेछन्। लगनशीलताले राम्रै उपलब्धि दिलाउनेछ। पढाइलेखाइमा प्रगति हुनेछ। सेवामूलक कामबाट धनलाभ हुनेछ। प्रतिभा प्रदर्शन गर्दै बौद्धिक प्रतिस्पर्धामा विजयी भइनेछ।

कर्कट - Cancer

हि, हु, हे, हो, डा, डि, डु, डे, डो

अरूको फाइदाका लागि उपयोग भइनेछ भने आफ्ना लागि परिस्थिति प्रतिकूल रहनेछ। आफ्नैले धोका दिन सक्छन्। हिस्सेदारसँग असमझदारी बढ्नाले पहिलेको सम्झौता भंग हुन सक्छ। बेसुरमा वचन दिने बानीले समस्या निम्त्याउला। ईर्ष्या गर्नेहरूले काममा अवरोध पुर्याउन सक्छन्। आफ्ना सामानमा अरूले दाबी गर्लान्। परिस्थितिसँग केही सम्झौता गर्नुपर्ला।

सिंह - Leo

मा, मि, मु, मे, मो, टा, टि, टु, टे

परिस्थितिले नयाँ मार्गतर्फ अग्रसर गराउन सक्छ। तत्काल श्रम परे पनि पछि फाइदा लिन सकिनेछ। बलभन्दा बुद्धिको उपयोगले काम बन्नेछ। शुभचिन्तकहरूले साथ दिनेछन् भने पहिलेको दुविधाले निर्णायक मोड लिनेछ। पछिसम्म लाभ हुने काम बन्नेछ। भौतिक साधन जुट्नाले दिगो योजना प्रारम्भ होला। व्यापारमा लाभ हुनेछ। सेवामूलक कामबाट प्रतिष्ठा पाइनेछ।

कन्या - Virgo

टो, पा, पि, पु, ष, ण, ठ, पे, पो

सुखद समाचारले दिन उत्साहपूर्ण रहनेछ। बोलीको भरमा चिताएको काम सम्पादन हुनेछ। आफ्नो क्षेत्रमै प्रभाव जमाउन सकिनेछ भने सम्मानित स्थान प्राप्त हुन सक्छ। तारिफयोग्य कामले राम्रो उपलब्धि दिलाउनेछ। सानो प्रयत्नले फाइदा बढ्नेछ। व्यापारमा पनि प्रशस्त लाभ हुनेछ। अध्ययनको लगावले बौद्धिक क्षेत्र फराकिलो बन्नेछ। दाम र नाम कमाउने समय छ।

तुला - Libra

रा, रि, रु, रे, रो, ता, ति, तु, ते

बिछोडिएका परिवारजनसँग भेटघाट हुनेछ। मनपर्ने वस्तु, उपहार प्राप्त हुनेछ। नयाँ कामको प्रस्ताव आउनेछ भने साथ दिनेहरू पनि बढ्नेछन्। रचनात्मक कामले मनग्य धन आर्जन हुनेछ। पहिलेको सफलताले थप हौसला जगाउनेछ। रमाइलो जमघटका बीच स्वादिष्ट भोजनको आनन्द लिने अवसर जुट्नेछ। सुन्दर पहिरनले व्यक्तित्वमा आकर्षण ल्याउनेछ।

बृश्चिक - Scorpio

तो, ना, नि, नु, ने, नो, या, यि, यु

खर्चको जोहो गर्न अलि दौडधुप गर्नुपर्ला। अवसरको खोजीमा आफन्त र परिवारबाट टाढिनुपर्ने हुन सक्छ। व्यवसायमा लगानी बढाउनुपर्ने समय छ। कामको राम्रै मूल्यांकन भए पनि प्रतिफल हातपार्न केही समय लाग्नेछ। आफ्नो लाभांशमाथि अरूले दाबी–विरोध गर्न सक्छन्। ईर्ष्या गर्नेहरूबाट सजग रहनुहोला। पछिका लागि केही वस्तु त्याग्नुपर्ने हुन सक्छ।

धनु - Sagittarius

ये, यो, भा, भि, भु, धा, फा, ढा, भे

आम्दानीका विभिन्न स्रोत देखिए पनि सोचेको फाइदा नहुन सक्छ। लगानीतर्फ लागत बढ्नेछ। कामको राम्रै मूल्यांकन भए पनि प्रतिफल हातपार्न केही समय लाग्नेछ। आफ्नो लाभांशमाथि अरूले दाबी–विरोध गर्न सक्छन्। अरूको मुख ताक्ने बानीले पछि परिनेछ। तापनि पछिका लागि गरिएको लगानीले फाइदा दिनेछ। साथीभाइसँग सन्तुलित व्यवहार गर्नुहोला।

मकर - Capricorn

भो, जा, जि, जु, जे, जो, ख, खि, खु, खे, खो, गा, गि

राम्रो कर्मफल प्राप्त हुनाले मन प्रसन्न रहनेछ। सामाजिक नेतृत्व हातलागी हुनेछ। व्यापारमा राम्रै फाइदा हुनेछ। प्रतिष्ठित काम गर्ने अवसर मिल्नेछ। मिहिनेत गर्दा कार्यसिद्धिको समय छ। लगनशीलताले काम बन्ने समय छ। विशिष्ट व्यक्तिको सहयोग जुट्नाले महत्त्वाकांक्षी काम बन्नेछ। काम गरेर दाम कमाउने अवसर प्राप्त हुनेछ, कर्तव्यपरायण रहनुहोला।

कुम्भ - Aquarius

गु, गे, गो, सा, सि, सु, से, सो, द

नसोचेको अवसरले नयाँ जिम्मेवारी दिलाउन सक्छ। टाढिएका साथीभाइ नजिकिनेछन् भने मित्रता नै दिगो लाभको संवाहक बन्न सक्छ। शुभचिन्तकहरूले साथ दिनेछन्। चुनौतीहरू स्वतः हट्नेछन् भने कर्मयोग र आम्दानीले पछ्याउनेछन्। धेरैले कामको तारिफ गर्नेछन्। सामाजिक नेतृत्व अथवा पदीय जिम्मेवारी प्राप्त हुन सक्छ। मान-प्रतिष्ठा कमाउने बेला छ।

मीन - Pisces

दि, दु, थ, झ, ञ, दे, दो, चा, चि

प्रतीक्षित नतिजा कमजोर देखिनाले काम दोहोर्याउनुपर्ला। गलत व्यक्तिको विश्वास गर्दा काम रोकिन सक्छ। पहिलेका समस्या दोहोरिनाले अलमलमा परिएला। गोपनीयता बाहिरिनाले पनि समस्या आइपर्ने देखिन्छ। विशेष उपलब्धिका लागि भने केही समय प्रतीक्षा गर्नुपर्ला। स्वास्थ्य कमजोर रहनाले औषधि–उपचारमा खर्च बढ्नेछ। यात्रा अलि कष्टपूर्ण हुनेछ।

प्रतिक्रिया दिनुहोस्

ताजा अपडेट

१

२०औँ एसियाडमा युवा स्टारको चमक, खेलाडी बस्ने शैलीदेखि चीनको दबदबासम्म
२

राष्ट्रियसभाको अर्को बैठक भदौ ५ गते दिउँसो १ः१५ बजे बस्ने
३

प्रतिनिधि सभा बैठक {LIVE}
४

कर्णालीका मुख्यमन्त्री शाहीले आज विश्वासको मत लिँदै
५

कांग्रेस १५औँ महाधिवेशनमा होमियो, देउवा पक्षको विरोधबीच प्रक्रिया तीव्र

हजुरको आज बुधबारको दिन कस्तो छ ? रासिफल हेरौं ।

हजुरको आज बुधबारको दिन कस्तो छ ? रासिफल हेरौं ।

आजको राशिफल - Today's Horoscope

प्रतिक्रिया दिनुहोस्

ताजा अपडेट

२०औँ एसियाडमा युवा स्टारको चमक, खेलाडी बस्ने शैलीदेखि चीनको दबदबासम्म

राष्ट्रियसभाको अर्को बैठक भदौ ५ गते दिउँसो १ः१५ बजे बस्ने

प्रतिनिधि सभा बैठक {LIVE}

कर्णालीका मुख्यमन्त्री शाहीले आज विश्वासको मत लिँदै

कांग्रेस १५औँ महाधिवेशनमा होमियो, देउवा पक्षको विरोधबीच प्रक्रिया तीव्र

सम्बन्धित समाचार

हजुरको आज मंगलबारको दिन कस्तो छ ? रासिफल हेरौं ।

हजुरको आज सोमबारको दिन कस्तो छ ? रासिफल हेरौं ।

हजुरको आज आईतबारको दिन कस्तो छ ? रासिफल हेरौं ।

हजुरको आज शुक्रवारको दिन कस्तो छ ? रासिफल हेरौं ।

सम्पर्क

हाम्रो टिम

महत्त्वपूर्ण लिङ्कहरू

उपयोगी लिंकहरु

हजुरको आज बुधबारको दिन कस्तो छ ? रासिफल हेरौं ।

हजुरको आज बुधबारको दिन कस्तो छ ? रासिफल हेरौं ।

मेष - Aries

वृष - Taurus

मिथुन - Gemini

कर्कट - Cancer

सिंह - Leo

कन्या - Virgo

तुला - Libra

बृश्चिक - Scorpio

धनु - Sagittarius

मकर - Capricorn

कुम्भ - Aquarius

मीन - Pisces

प्रतिक्रिया दिनुहोस्

ताजा अपडेट

सम्बन्धित समाचार

सूचना विभाग दर्ता नं.

सम्पर्क

हाम्रो टिम

महत्त्वपूर्ण लिङ्कहरू

उपयोगी लिंकहरु

सर्च गर्नुहोस्