बतासेपाटी (आउय रेडक्रस) कु त्रिपुरा आर्दश स्कूल (गान्धी चर्खा प्रचारक) जुकुन हिलेन चोङ्गु ।

बतासेपाटी (आउय रेडक्रस) कु त्रिपुरा आर्दश स्कूल (गान्धी चर्खा प्रचारक) जुकुन हिलेन चोङ्गु । मास्टरत गुरु हङन सम्वोधन यकुतन, गुरु चुडाराज शर्मा ज्ञानकृष्ण श्रेष्ठय छेँ ड्रवाक्छेकु डेरा यङन चोङ्गुजु । स्कुल सोयन डेरा कुठा थावी ढलान पेटीटुल्ले विद्यार्थीपेन थिखाउ जुउ । चर्खाय प्रचार जुयन चोङ जुयलागिन् दोखुसेतङ सुका पितकाईरी तकली बोठयन तउजु । उचिला जुर्सङ तकलीत उके नाप नापङ म्येङ हलि मल्गु जुउजु ।

म्येय बोल जुउजु तकली छिन फन फन उयन थौ देशय विकास यरी मल ..... ईथी तकली म्येय धुन हो नेपाली सिलोकय पाठन आमु छेँ देगलथेतु बाँलकु हो मज्जा जुउ खोईदउजु । जनक्रान्तीन यत्ङ गुरुन बात्चा महिना बोन्केई छुट्यात्चु । आमताक्कु गिवी ओन मसिर्गु । गुल्प काठमाण्डुकु प्रजातन्त्रय लहर यर थि थि पेशान काठमाण्डुकु चोङ्गु द्वाल्खामीपेन ग्वारमुनहिन् आकुलानन्ली द्वाल्खाकुङ अंग्रेजी शिक्षा विई मल हङन सरसल्लाह यङन नारायणदास श्रेष्ठय नेतृत्वकु अंग्रेजी शिक्षाय लागु यरिउरी हो थिईमजिउ आन्दोलन, सर्वजातिय वनभोस् चम्पुजाकु ग्वसाग्वयन बाजाक ठ्याङन दोखुनु बजार उरहिन् । गु दृश्य अझङ नक्कतुनी थिनागु जन्त लगई जुयन चोन ।

पेशाय हिसावन जागिरनउ, टक्सार विभागकु चोन्सङ द्वाल्खा जिल्ला गाउँ ठाउँ विकास आले चेतनसिल नागरिक उत्पादन जुउ सामाजिक कार्यकु चेतनशिल नागरिक उत्पादन जुउ सामाजिक ज्य खँकु तत्परता जुयन काठमाण्डुलान थिस्पुल ङानु खुनुय मुल लिङायन ययन ज्य खँ सफल यरीउरी प्रशंसनिय खोई दमु । सामाजिक सेवाय उदाहरणीयङ पहिला व्यक्ति मानेरी मल । आमताक्कु ग्वाहारय लागिन् ल्यास्मापेन ग्वारमुङ खोईदउजु । ताप्ला आमुङ चैत्र महिना जुउजेउ सुनिङ त्रिपुरा आदर्श स्कूल हाखेन सेङय हाखेन बेञ्चपेन थिखाउ हर्स गुनुङ ल्वापडोङन चोङ्गुजु दातिकु न्हुन हाखय चोङ्गु नारायण बहादुर श्रेष्ठ विहार्छे, आमे नाप चुडामणी शर्मा त्वायउ धोती हो गन्जी जुकुन फियन चोङ आमु बैठककु खोईदउजु ।

काठमाण्डुलान अंग्रेजी शिक्षाय ज्य खँकुतु नाप ज्याङन यय जुयन चोन । बतासे पार्टीकुतु अंग्रेजी शिक्षा ब्वनकेईत ड्वाक्छे मिय स्वामित्व दउ जुयलागिन सहमतीय लागिन आमताक्कुय कानुन सउ भाजु भैरब बहादुर श्रेष्ठ ड्वाक्छे, आन्थितु सामाजिक ज्य खँकु रुची तउ भाजु टेकबहादुर श्रेष्ठ हो ट्वालय मेवु मिपेन ग्वारमुङन बैठकन छलफल पास यत्चु । तर गुलिङ ज्य खँपेन लेङ्गु थिनागु महशुष जुर । आमुतु न्हिय बल्लीन्नसी मयनटोल च्याङन आमतु ठाँईकु सुनीय सोयन बात्चा जुर्सङ गत्के ल्याखा दउजु ।

थउ सिय ताय द्वारे मानबहादुर श्रेष्ठ हापिचा, भैरब बहादुर श्रेष्ठ हो टेक बहादुर श्रेष्ठ गत्केङ चर्चाकु यउ उद्घोषक बैठक हिल्के चोङ्गु काठमाण्डुलान् यउ नारायणदास श्रेष्ठय दउजु । खलक थापनाय लागिन् लाहा ल्वापठोङन समर्थन काईरी चुनाव थिनागुतु जुउजु । दोखुसेनुङ लाहा ल्वाप ठोङ खोङन जिनुङ सेङय उ पेटीलान् लाहा ल्वापठोन्गी । उद्घोषक ययन लाक्पाकु जोङन छन उमेर मखल्नी हङन लिखन ध्वाङ्निर्जु । आकुलान्ली ज्ञानबहादुर प्रधान नक्छे जिन ङैटाका विई हङ तिम्मुत, आन्थितु धनबहादुर श्रेष्ठ डाँडाथोक (बुढाकामीय नामलान नामजाउ) आन्थितु शेर बहादुर श्रेष्ठ पिंगल  (थ्वाथारक कान्छाय नामलान नामजाउ) आन्थितु गत्केङ तम्सई जुरहिन् गुनगुन हङ जन्त वात्चा दोखुनुय याद मफर्गि । बैठकन्ली आकु हरी लगई जुरहिन् आउ ईसि कय छयनुङ अंग्रेजी बोङ्गु जुर । बैठक धार्मीक सभा थिनागु खोई दउजु दोखुनुय ख्वाल चरकोङ्गु खोईदउजु ।

आकुलान् जिङ बोईय लागिन् भर्ना जुर्गी विद्यार्थीपेन खचाखच दउजु । गुरु कृष्णनारायण प्रधानन् नस्गुर अंग्रेजी नाम चोय वियन दिरहिन् । आखर दोखुनु बाँलस्के ओमसिय जुयलागिन् उचारण यरीत हो ईस्पीलीङ हरीत बात्चा ठाकउ जुउजु । आन्थीतु साङत सुवर्ण श्रेष्ठ चामसली,  कमलेश्वररुङ हकुजु बात्चा लिखन्ली ४ गुर अंग्रेजी आखर बाँलस्के ओसिईरी हो उचारण यरी फर्गु । उ थिगुर द्वाल्खावासीय लागिन आमताक्कु थिगुर अवसर जुउजु । सायद उतु अवसरन यत्ङ थनु द्वाल्खाकु ल्याखा ङि मफके दमु । सुभाय् ।

बालकृष्ण “दोल्खे”