मा छिन त्वार्त ओङ झिम्निस्दँ दई धोन्जु !

नेपाल सम्वत् ११४६, प्वहेलाथ्वः १४ चतुदसी (१८ पौष, २०८२, २ जनवरी, २०२६) शुक्रबार, बाँपिझ्याला । मा छिन् ईस्त उ ब्वकु त्वार्त ओङ सोर्ङसोर्ङ झिदँ पुरा जुयन झिम्निस्दँ किई धोन्गु जुयन चोन । नेपाल सम्वत् ११३४ प्वहेलाथ्वः १४ (२०७० पौष ३० गते÷ १४ जनवरी २०१४) मंगलबार खुन्हु उ ब्वलान् सदाङये लागिन् ईसिनाप विदा जुयन ओन्गु ।

आउ गिवी गिथी चोनन् ? आमुवा ईसिन मसिगु, यले चोन्सङ, यथे चोन्सङ गिथी थमु ईसिनाप चोङ ताक्कु यचके, सुचके चोई रसताउपे आन्थितु यचके सुचके चोसिन् मा । उतु झिम्थिदं किङ्ु तिथीये व्यलाकु लुवन्के चोगनु ।

थनु थमु मदउ न्हि लुवन्के तिथी ङाकेई सोयन मेवु थेयत विईत हातिङ मद मा । सुनी सुनी विय जाकी निस्गर हो लोखु थि प्वासर जुकुन खेउ।

आले थनु ईसिन मिखाकु खोवी तयन छन्त लुँवन्के चोई सिवाय हाति यरी मफयन चोनगु । थमु यले चोन्सङ यउता यङन चोन्सङ बाँलस्के चोनन् हङ आश कायन चोङ दमु । उतु थयेत लुओन्के निस्टीङ खोवी हो सिदा थि ब्व वियन तरगु थमु मदउ न्हि तिथीकु लुँवन्के मा ।

गुलाटुल्ले प्याटाकु तयन बुयन गुली दुःख कष्टकु ईस्त ड्वाककेरर्गु ईस्त, थनु ईसि ड्वाकयन्ली थमुन त्वार्त ओन्गु ।

काठमाण्डुलान् ब्वईये विदा हो महनी नखतताक्कु द्वाल्खा छेँ ओङ ताक्कु कये यर हङ तायेन लाहा प्वारचियन पाखलतीय वसदिलो टुल्ले कार यउपे, काठमाण्डु यर्ङ शहिदगेट टुल्ले कार याना हकुपे, थनु आमु दोखुनु खँ लुँवन्के हार्ङ बाखन हो मास थिनागु जुयन चोन ।

थनु द्वाल्खा ओन्ङ गुनान पाखलतीकु जन कय् ययन चोनरा हरेउ, गुनान जन्त शहिदगेट टुल्ले कार या हरेउ ? आउ थनुये न्हिकु थमुन् लाये खँपेन लुवन्केई सिवाय मेवु हाति यरी मफर्गु ।

मा छि आले ईसि मानेरी मल्गु गुलीन उ ब्व त्वार्त ओङन चोन्गु दोखुसेतङ थनु थये झिम्थिदँ किङ्गु तिथीये व्यालाकु बाँलकु टोङन मा छन्त लुँवन्के चोनगु । मा छन्त निस्टीङ खोवी सोयन हाती विई मफर्गि । उ खोवी राक मयङन ब्वकु जुरी मवियन लाहाकु कायन् आशिक विईत् हङन आश कायन चोनगु । 

ईसि वा मा बा मद । मा हो बा दउ छिजि दाजुकिंज, तिताकेहेपिन् थउ हातिन फगुर आमुन ग्वाहार यरीलों, हाती नरगु आमु नकेईलो, हाति फिकेई फरगु आमु फिकेईलों ।

उतु खँ छिजि दोखुसेनुङ मनकु टोङ्न ज्य खँ यरीलो हङन् दुपान नुगरलान्नसी ईनाप यङन चोनगु ।