नेपाल सम्वत् ११४५, तछलाथ्वः २, तृतिया (१५ जेठ, २०८२, २९ मे, २०२५) बिहिबार, बाँपीझ्याला । द्वाल्खा जिल्ला भीमेश्वर नगरपालीका वडा ल्याखाः २ डोकलुङ छेँ जुउ बा कृष्ण बहादुर जोशी हो मा सन्त कुमारी जोशीय कोखलान् विक्रम सम्वत् २०१६ दँकु जन्मई जुएन दिउ द्वाल्खाय नेवारी भाषा, संस्कृती अभियान्ता आले द्वाल्खाय् ईतिहासकु कलम हिल्के दिएनदिउ ईतिहासविद् भाजु तिर्थनारायण जोशी थनु ६५ दँय उमेरकु मन्त ।

टाहागउ घडीन्नसी गलय क्यान्सर रोगन मफएन चोङन दिउ भाजु तिर्ज जोशी थनु चोङ ठाँई सितापाईलाकु मदउ खँ परिवारन पित हाएन तरै । मनमोहन अस्पतालन सिकु खेङ हङन् दसी विएनेली थनुतु पशुपती आर्यघाटकु पार्थिव शरिरत दाह् संस्कार यत्चु । द्वाल्खावासी हो द्वाल्खाय खेन्नलान् भाजुय पार्थिव शरिर त स्वालाकु तयन लिई १ मिनेट विचार वियन दिरहिन् ।
भाजु जोशीकय् कालात कल्पना जोशी, निस्म मिच हो थिम्ह कय् दमु । भाजुय् नामकु यरीमल्गु पित्रय ज्य खँ पुशपती आर्यघाटय क्रिया चोङ १५ नम्वर कुठाकु चोङ सिदत ययन चोन ।

थउ ब्वई धोङन्ली द्वाल्खा पुलेन ओङन द्वाल्खाय भाषा, संस्कृती, परम्परा हो आमु दुपान दउ सम्पदापिस्त संरक्षण यङन हाखेन यई मल हङ ड्वाकु लक्ष्य तयन द्वाल्खा लिपुलेन चोङ खँ यल्पनुङ ताके चोङन दिउतन् । तर आमु ईच्छा बच्छीचच्छी वा पुरा यत्चु ज्यउ दोखुनु पुरा यरी मफयनतु ग्यारदउ रोग लगई जुयन थनु छिजि दातिलान् जमराजा चरफुङन यन्चु ।
द्वाल्खा नेवारी भाषाकु लिखतकु दोखुनु सोयन हाखेन पित यउ कुल्सीपतीय सम्पादक, संस्कृतीविद्, ईतिहासविद् थनु छिजि दातीलान् ओङन चोङकु दोखुनु द्वाल्खामिपेन दुःख चायन खोवी हाके चोङन चोन । भाजु तिर्थ जोशीय बारेकु यउली बर्णन हो चोर्सङ गुल्पनुङ मोदो ।

खायौ यर्थात खँ उतु खेउ । भाजु तिर्थ जोशीन् गुल्प मुचाखुचापिस्त डाक्टक, ईन्जिनियर, वकिल सुत्ता गत्के थात थेन्केईकु ड्वाकु लाहा दमु । राजकुलेश्वर ब्वङकुठी कु मास्टर जुयन आम्लीङ ग्वाहार यङ तरै । आन्थितु तिलिञ्चो परिवारकु चोङन द्वाल्खा गत्केङ ल्यास्माल्यासीमिसा पिस्त भौतिक रुपन् हाखेन उईत ग्वाहार यङन तरै । तिर्थ जोशीय् नामलान् नामजाउ भाजु नेपाल कम्युनिष्ट पार्टी बामपंथी आन्दोलनय सशक्त ड्वाकु मिङ खेउ । द्वाल्खाय ईतिहासय् नेम्लाय ड्वाकु मि थनु डुङन चोन । छिजिलान् टायन ओन । आउ छिजि मिखान् हाकेय खोवी बाहेक मेवु हातिङ यरी मफगु ।

ऊ दुःखय व्यलाकु मदउ तिर्थ जोशीय आत्माय चिरशान्तीय कामना नाप नापङ शोककु डुङन चोङन दिउ परिवारजनकु छिजि बाँपिझ्याला डटकम हो द्वाल्खावासीय् खेन्नलान् विचार विय तय दमु ।