Aug 21 2026 | २०८३, भाद्र ५ गते
२०८३, भाद्र ५ गते
Aug 21 2026 | २०८३, भाद्र ५ गते
बाँपीझ्याला, येँ । नेपाल सम्वत् ११४३ अनलाथ्व त्वाकौला परेवा तिथि (०२ साउन २०८०) । नेपाल देशये सम्माननीय प्रधानमन्त्री भाजु पुष्पकमल दाहाल प्रचण्डज्यूये कालात मैजु सीता दाहाल न उ ब्वँ त्वार्त ओङ्गु थन्हु नस्न्हु दउ लुओन्केय न्हिकु प्रधानमन्त्री च्वङन्दिउ ठाइँ बालुवाटारये ड्वाकु चउरकु बिचार विईरी ज्य खँ जुर ।
देशये थन्केसिये उपराष्ट्रपति, हाबिये उपराष्ट्रपति, आउये उपप्रधानमन्त्री, हाबिये प्रधानमन्त्रीपेन्, मेमेबु देशय् राजदूतपेन्, कूटनीतिक आयोगये ड्वाकुन्दांगु गण्यमान्यपेन्, संघीय राजधानीये मन्त्रीपेन्, प्रदेशये मन्त्रीपेन्, संघीय सांसदपेन्, प्रदेशये सांसद पेन् बिचार बिइत येउ दउजु । वये नापनापं नेकपा माओवादी पार्टीये ड्वाकुन्दांगु पदाधिकारीपेन्ननसि मेमेबु राजनीतिक पार्टीये ड्वाकुन्दांगुपेनुङ् थ्येंगु दउजु ।
थन्हुये ज्येखँकु मदयेन् ओंगु सीता दाहालये नाम्न १ मीनेट न्वन्माहायेन् छेर कोत टुक्छियेन् बिचार बियेन्लि मदइधोंगु मैजु दाहालये हाबिये खँपिस्त लिपुल्के लुओनकेइत दकेये स्वङ्गु किपा क्येङ दउजु ।
आँकुलान् लिबि सम्माननीय प्रधानमन्त्री भाजु प्रचण्डन् थउ जाहान् मदयेन् ओङ लुओन्केय बिचार प्वङ्के सद्भाव व सहानुभूतिये ल्याखाःन् येयेन् च्वंगु दोखुसेतं आभार प्वंकेयेन् धन्यवाद बियेन्दिर्जु, आम् ब्यालाकु प्रधानमन्त्रीज्यू न थउ जाहान त फट्टुले डाक्टरपिसिन् हङ हङ थेँ हङ ठाइँये अस्पताल येङन् वासर येत्न येत्नं म्वात्केइ मफयेकु दुःख प्वंके थउ जुनीकु ल्यासिमिसा मिच ज्ञानु व ल्यास्म्हा कय प्रकाश दाहालन त्वार्त वङन्लि जु नुगरये व्यथा त जाहान्नं त्वार्त वङ ताक्कु दोखुबलेलान् दोखुसेनुं बिचार बियेकु सहयेरिउरी ताकत नापलङ चाइदत हङन् दिर्जु ।
आउ नलि उ देश त अझ बाँलस्केइत व भिंगु दकेइत दोखसेनुं थिमा येङन् ग्वाहार बिर्जु हर्स जिन उ देश त हातिङ समस्या मजुके ज्ये येरित मन्न टोङन् तये खँ हङन् थन्हुये ज्येखँ क्वचल्केये खँ तयेन्दियेन् दोखुसेतं कौला येङन् उइँरि खँ तयेन्दिर्जु ।
१९९७–०७७–०७८
© 2026 All right reserved to bampijhyala.com | Site By : Sobij
