द्वाल्खा देशय् म्ये

बालकृष्ण श्रेष्ठ ‘पासा’

मुथुकु च्वन छिजि सरस्वती माँ,
श्री गणेश छिजि ल्हाहाकु,
नुगरकु च्वन महाबली भीमसेन,
द्वाल्खा देश छिजि बाहाकु ।

मञ्जुश्रीन् हाबितु पाराकतये ठाईँ
इतिहासकु नाम जाउ द्वाल्खा,
ईन्द्रसिंह देवन ढ्याबा दकेय् ठाइँ
दोखुसेनुं नाम काउ द्वाल्खा ।

कालिन्चोक माई ट्वापर देपान
हाखेन दमु मञ्जेश्वरी,
बज्रयोगिनी सर्वमङ्गल दुपान
हरसिद्धि भवानी ईश्वरी ।

महादेव नारायण भैरव–कुमारी
बुद्धय् चैत्य व गुम्बा,
कोतखेन्न नागदह हनुमन्ते पारी
लिखन सैलुङ्य् थुम्का ।

प्राणीपे ज्यान म्वात्के च्वन उकु
बुग्द्यउ करुणामाई,
गौरीशंकर न ब्याला क्येनै आले
तामाकोसीन् म्येहले ठाइँ ।

श्रेष्ठ प्रधान मास्के खड्गी कुसले
राजभण्डारी व जोशी,
ट्वाङ्स्वन तपुलस्वन चिमाल ह्वर्न
द्वाल्खा जुर उकु खुशी ।

चच्छि जुर भैरव कुमारीय् जात्रा
न्हिच्छि उर खाँडा प्याखन्,
मोलिक इतिहासे हाखेनय् जात्रा
सा व ट्वाकल प्याखन ।

जय जय थ्वजु थउ माय्बुँ उ
भिंगु थ्वजु दोखुनुं प्राणी,
थउ ही व मेबे ही थिगुर खेउँ
ओँसिकेइ फउ स्वाभिमानी ।

जय भीमसेन जय बालकुमारी
जय येकु त्रिपुरासुन्दरी,
जय थ्वजु हङन् भिंगु टोनगु
जय थ्वजु प्राणीपे जूनी ।।

नेपाल सम्वत् ११४२ चौलाथ्व सप्तमी शुक्रबार,
२०७८ साल चैत्र २५ गते

सुख म्वालेन पिपान पिपान चोंइउरी खँ दालाउ