करिना कपुर भारतीय चलचित्र उद्योगकी सबैभन्दा लोकप्रिय र प्रभावशाली अभिनेत्रीमध्ये एक हुन्। आफ्नो अभिनय क्षमता, आत्मविश्वासपूर्ण व्यक्तित्व र फरक–फरक भूमिकामार्फत उनले बलिउडमा दुई दशकभन्दा लामो समयदेखि बलियो स्थान बनाएकी छन्।

करीना कपूरको जन्म सन् १९८० सेप्टेम्बर २१ मा भारतको मुम्बईमा भएको हो। उनी प्रसिद्ध कपूर परिवारकी सदस्य हुन्। उनका पिता रणधीर कपूर र आमा बबिता कपूर दुवै भारतीय चलचित्र क्षेत्रसँग जोडिएका कलाकार हुन्। उनकी दिदी करिश्मा कपूर पनि बलिउडकी चर्चित अभिनेत्री हुन्।

स्टार परिवारमा जन्मिए पनि करीनाले आफ्नै अभिनय यात्राबाट पहिचान बनाएकी हुन्। उनले सन् २००० मा चलचित्र च्भागनभभ बाट बलिउडमा डेब्यु गरेकी थिइन्। पहिलो चलचित्रबाटै उनले दर्शक र समीक्षकको ध्यान आकर्षित गरिन्।

त्यसपछि उनले Kabhi Khushi Kabhie Gham, Jab We Met, 3 Idiots, Bodyguard र Bajrangi Bhaijaan जस्ता सफल चलचित्रमा अभिनय गरिन्। विशेषगरी ‘गीत’ नामक पात्रमा गरेको अभिनयले उनलाई नयाँ उचाइमा पुर्‍यायो।

करीनाले आफ्नो करियरमा रोमान्टिक, कमेडी, सामाजिक तथा गम्भीर विषयका चलचित्रमा विभिन्न प्रकारका भूमिका निर्वाह गरेकी छन्। उनले अभिनय क्षमताका कारण धेरै पुरस्कार र सम्मान प्राप्त गरेकी छन्। उनी आफ्नो समयकी सर्वाधिक पारिश्रमिक लिने अभिनेत्रीमध्ये पनि एक मानिन्थिन्।

व्यक्तिगत जीवनमा करीना कपूरले सन् २०१२ मा अभिनेता क्बष ब्ष् िप्जबल सँग विवाह गरिन्। उनीहरूका दुई छोरा छन्। विवाहपछि पनि करीनाले चलचित्र क्षेत्रमा निरन्तर सक्रिय रहँदै आफ्नो करियरलाई अघि बढाइन्।

करीना आफ्नो फेसन शैली, फिटनेस र आत्मविश्वासी व्यक्तित्वका कारण पनि चर्चित छिन्। बलिउडमा उनलाई ‘बेबो’ उपनामले चिनिन्छ। उनले अभिनयसँगै विज्ञापन, टेलिभिजन कार्यक्रम र सामाजिक गतिविधिमा पनि आफ्नो उपस्थिति जनाउँदै आएकी छन्।

दुई दशकभन्दा बढी समयको यात्रामा करीना कपूर खानले बलिउडमा केवल स्टार परिवारकी छोरीका रूपमा होइन, आफ्नै प्रतिभा र मेहनतले स्थापित अभिनेत्रीका रूपमा स्थान बनाएकी छन्। उनी आज पनि भारतीय मनोरञ्जन क्षेत्रमा प्रभावशाली महिला कलाकारमध्ये एक हुन्।