नेपाल सम्वत् ११४५, चौलाथ्वः १५.८, प्रतिपदा (३१ चैत्र, २०८१, १३ अप्रिल, २०२५) आईतबार, बाँपीझ्याला । सहकालको देवताको नामले प्रशिद्धता प्राप्त गरेको दोलखाको रातो मच्छिन्द्रनाथ जात्राको दोश्रो दिन रथारोहण सम्पन्न भएको छ ।
रथजात्रा भोली बैशाख १ गतेदेखि शुरु हुदैछ । आज चैत्र ३१ गते साक्षात भगवानको मुर्तीलाई स्थानिय बाजागाजाका साथ रथारोहण गरिएको छ ।
विशेष आकर्षणको दिन बैशाख ४ गते ७० डिग्रीको उकालोमा रथ तान्ने दिन
हिजो डोकलुङा टोलमा दुधमा स्नान अर्थात दोलखा नेपाल (नेवार) भाषामा दुधुकु ठुङ पुनीस भन्ने नामले प्रख्यात रहेको छ । यसरी हिजो दुधले स्नान गर्ने बिधि सम्पन्न भएको छ । यसै गरी आज चैत्र ३१ गते भीमेश्वर नगरपालीका वडा न. २ डोकलुङा टोलबाट पिङ्गल टोलमा बाजागाजासाथ लगि रथमा हाली रथारोहण सम्पन्न गरिएको छ ।
भोली १ गतेदेखि यसपालीको दोलखाको रातो मच्छिन्द्रनाथको रथजात्रा प्रारम्भ हुर्दै नौदिनसम्म मनाईने छ । यसपालीको अन्तिम दिन २०८२ साल बैशाख ७ गते रहेको छ ।
