थनु द्वाल्खाकु बुग्देउ दुधुकु ठुङ न्हि खेउ । वय नाप नापङ मेवु महत्व दमु पूजा खो पूजा खेउ । उ पूजा थनु तु लङन चोन । उ खो पूजाय विधी विधानपेन सोर्ङ जलदेवीय पूजा खेउ । उ पूजा द्वाल्खाय गुल्नाय भैरव कुमारी जात्रा नाप ट्वाकस्याकु खोईदमु ।
पुनिसय् हातखुन्नु चर्तुदशीय न्हि खुन्हु दुङ्गल ट्वालय अचाजु खलक, देक्वारय पुजारी आले बुटुबुटु न द्वाल्खाय दोखुनु छेलान् अन्नय पूया ग्वारमुङन डुकु व पूजाय सारदाम ज्वङन नागदह (तामाकोशी) ओनहिन् । आम चान् आकुतु बास चोङन केसि सुनी नास्चातु जलदेवीय पूजा यङन बलि बियन पूयापेन टपराकु तयन सुके छोईरी चलन दमु ।
आन्थीतु चुके छोय छपरा चाड चाड बगई जुर्स थापरेय बाली हाछा ढिला बगई जुर्स लिछा हङन चलन दमु । ईथि हाछा व लिछा हङन् खो पूजा यङ प्रसाद द्वाल्खावासीपिस्त ब्वठईरी चलन दमु ।
ईथि वय नापय खँ ट्वाकस्यात्न देवीय पूजा यरित खेउ आमु देविय बारेकु पहिला द्वाल्खाकु चोङन दिउ हाखेनय पुस्तापिसिन् न्हियन्ही थउ नित्यकर्म यत ओङन् देवी त हेके चाकके हाय खँकु भैरव कुमारीय बाखन ट्वाकस्याकु खोईदमु । ईथि आमताक्कुन्नसीतु उ चलन चलई जुउ खोईदमु ।
ईथि आमुतु देवीपेन कार ओङ लुँओन्के दास्पती थनुय न्हि पुनिस्कु उ जलदेवीय पूजा यरीउरी चलन दमु । उ खो पूजाय थउतु गुठी दमु । पहिला पहिला थरिपिस्त डुकु व पूजाय सारदामपेन विई मल्गुजु । आउ थरिपेन हटई जयुन्ली स्थानिय नगरपालीकाय् ज्यकुठीन् मल्गु ढ्यावा छुट्याङन उ पूजा ब्यात्के ययन चोन ।
गिविलानुङ उ पूजा दिरहर्स द्वाल्खा दुपानाय दोखुनु नखत चखत व जात्रापेन हिल्केई मजि हङ मान्यता व परम्परा दमु । जय द्वाल्खा भीमसिन देउ ।।
उपेन्द्र प्रधान, द्वाल्खा ।
