नेपाल सम्वत् ११४५, चिल्लागाः १२ द्वादसी (१३ चैत्र, २०८१, २६ मार्च, २०२५) बुधबार, बाँपीझ्याला। सरकारले कुलमान घिसिङलाई नेपाल विद्युत् प्राधिकरणको कार्यकारी निर्देशकबाट हटाउन प्राधिकरणमा गुटबन्दी गरेको आरोप लगाएको छ ।
ऊर्जा, जलस्रोत तथा सिंचाइ मन्त्रालयले पठाएको पत्रमा घिसिङलाई प्राधिकरणमा गुटबन्दी गरेको, भारतसँगको सम्झौता अधिकार नभए पनि हस्ताक्षर गरेको, सरकारले गठन गरेको समितिलाई सहयोग नगरेको आरोप लगाएको छ ।
मन्त्रालयले घिसिङलाई पेस गर्नुपर्ने सफाई विवरण सरकारलाई दिनुअगाडि नै सञ्चारमाध्यमलाई दिएको, कार्यसम्पादन सम्झौता समयमै नबुझाएकोलगायत आरोप लगाएको छ ।
सार्वजनिक सञ्चारमाध्यममा संघीय सरकार र संसद्विरुद्ध पटकपटक अभिव्यक्ति दिएको पनि घिसिङमाथि आरोप लगाइएको छ । सोमबार साँझ बसेको मन्त्रिपरिषद् बैठकले कुलमानलाई पदबाट हटाउने निर्णय गरेको थियो । उक्त निर्णयको चौतर्फी विरोध भइरहेको छ । सडकमा आन्दोलनसमेत भइरहेका छन् ।
यता, प्राधिकरणको कार्यकारी निर्देशकमा हितेन्द्रदेव शाक्य नियुक्त भइसकेका छन् । शाक्यले मंगलबार पदभार पनि सम्हालिसकेका छन् ।
सरकारले कुलमानलाई जे जस्तो आरोप लगाएको भएतापनी आज देश कुलमानकै कारणले उज्यालो भएको छ । यस कुरालाई मनन गरी सहयोग गर्नु पर्छ भन्ने हाम्रो मान्यता रहेको छ । यसरी हुने कुरामा पनी नहुने कुरामा पनी सरकारले लगाई राखेको आरोप प्रत्यारोपको हामी जनताले सामाना गर्दा नेपाली र नेपालको भविष्य उज्जल हुन सहयोग पुगेको हुनेछ । यसबारेमा नेपाली जनता भएर विचार गरौं ।
