बालकृष्ण श्रेष्ठ “पासा”, द्वाल्खा
माङस ख्वइँत हातिङ् ठाकउ मखे
माङस ड्वाकुन्दांगुनुङ् ख्वइँ फरइ
माङस ओप्तेचा मुचापिसिनुङ् ख्वइँ फरइ
ऊ धनीपिसिनुङ् ख्वइँ फरइ
आले गरीबपिसिनुङ् फरइ ।
ब्यागल उलि जुकुन् खेउँ
धनीपिसिन् ढ्याबा ग्वार्मुङ ख्वनहिन्
गरीबपिस्न ज्येखँ म्वालेन्च्वङ ख्वनहिन्
देउलापिसिन् देकु मि येक्कु येउ ख्वनहिन् जेउ
माङस थउथउ ज्येखँये ल्याखान् ख्वइँतन्
आन्थिनु माङस ख्वङथेँतु वा गुल्पनुं म्वजु ।
माङस ख्वङ थेँ जु जुर्स
गुलि इमान्दार राष्ट्रपति जुतन्जु
गुलि ज्ये येरि फउन ज्ये नाप्लकु जु
गुलि भ्रष्टाचारी झ्यालखानाकु जु
आले गुलिङ् खँ सउपेन् गिबी थ्येङ्गु जु ।
सायद बाँलकु माङस ख्वङ्गुपेन् मदयेन्रा मसिगि
देशन गुल्पनुङ् ख्वाल हिलि मफर्जु
देशकु ज्ये यरिफउपेन् च्वइँतु मफर्जु
ढ्याबा दउपेनुङ् पिपान
हातिङ् मदउपेनुङ् पिपान
देश म्वकेउ क्वत्वकेउ नेता जुकुन् दुपान ।
आउ यिनागु माङस ख्वइँथद
पिपान च्वंगु दोखुनु दुत येउ ख्वइँथद
जाली फटाहापिस्त लियेन् छ्वये ख्वइँथद
दयेन नउपे बानी व्यहोरा ख्वइँथद
मदयेन नउपे ख्वाल चक्र्वङ्गु ख्वइँथद
गुनान् गुन्तङ् हेपेइ मयेङ ख्वइँथद
उतु माङस ख्वन्न ख्वन्न निर्न चाइदत ।
बुये ठाइँ भीमेश्वर न.पा. वडाल्याखाः २
च्वङ ठाइँः गोकर्णेश्वर न.पा. वडाल्याखाः ५
