Search

ऊर्जाशिल महिला समाजको साधारण सभा सम्पन्न, समुहको अध्यक्षमा यादवकुमारी कसजु

ऊर्जाशिल महिला समाजको साधारण सभा सम्पन्न, समुहको अध्यक्षमा यादवकुमारी कसजु

नेपाल सम्वत् ११४५, प्वहेलागाः एकादशी (१२ माघ, २०८१, २५ जनवरी, २०२५) शनिवार, बाँपीझ्याला । ऊजाशिल महिला समाजको दोश्रो बार्षिक साधारण सभा सम्पन्न भएको छ । समाजका अध्यक्ष समाजसेवी जेष्ठ नागरिक अञ्जुदेवी श्रेष्ठको अध्यक्षतामा भएको उक्त साधारण सभामा नेवाः देय् दवुका केन्द्रिय सदस्य तथा बाँपीझ्याला मिडियाका अध्यक्ष उपेन्द्र प्रधानको प्रमुख आतिथ्यता रहेको थियो ।

समाजका उपाध्यक्ष समाजसेवी यादव कसजु श्रेष्ठले उपस्थित प्रमुख अतिथी, अतिथी, शुभचिन्तक महानुभाव र सदस्यहरुलाई स्वागत मन्तव्यद्वारा स्वागत गर्नु भएको थियो ।

समाजका सचिव सविना श्रेष्ठले संचालन गर्नु भएको उक्त बार्षिक कार्यक्रममा सचिव सन्ध्या श्रेष्ठ मल्लले आय व्यय विवरण प्रस्तुत गर्नु भएको थियो । उक्त बार्षिक कार्यक्रममा हालसम्म १६ लाख भन्दा बढीको कारोवार भईसकेको समेत बताउनु भयो ।

यसै गरी समाजको साधारण सभाको अवसर पारेर ऊजाशिल महिला समूहमा यादव कुमारी कसजु श्रेष्ठको अध्यक्षतामा सर्वसम्मती ९ सदस्यीय समिती गठन गरिएको छ । जसमा उपाध्यक्षमा दिपा श्रेष्ठ, सचिवमा सन्जु श्रेष्ठ, कोषाध्यक्षमा सर्मिला श्रेष्ठ, सदस्यहरुमा सन्ध्या श्रेष्ठ मल्ल, सविना श्रेष्ठ, लिलावती क्षेत्रानी, मैया प्रधान र सन्तोषी मानन्धर रहेका छन् ।

ऊजाशिल महिला समाजको काम समाजसेवा गर्ने रहेको छ भने ऊजाशिल महिला समूहको काम समाजका सदस्यहरुको आर्थिक उपार्जनको लागि क्रियाकलाप रहेको समेत समाजका अध्यक्ष अञ्जुदेवी श्रेष्ठले बताउनु भयो ।

यसै गरी कार्यक्रममा अन्तमा नाचगान सहीत समापन गर्दै दिवा भोजको आयोजना गरि समापन गरिएको थियो ।

Written by 

Related posts

Leave a Comment

error: Content is protected !!