नेपाल सम्वत् ११४५, थिलाथ्वः ११, एकादशी (२६ मंसिर, २०८१, ११ डिसेम्वर, २०२४) बुधबार, बाँपिझ्याला, दोलखा । पत्रकार महासंघ दोलखा शाखामा प्रभु जिरेलको नेतृत्वमा सर्वसम्मत नया नेतृत्व चयन भएको छ ।
आज भएको मनोनय दर्तामा सबै पदमा एकल उम्मेदवारी परेसँगै दोलखा शाखाको नयाँ नेतृत्व सर्वसम्मत चयन भएको हो । अध्यक्ष पदमा प्रभु जिरेल र दिलबहादुर केसीको उम्मेदवारी परेपनि केसीले उम्मेदवारी फिर्ता लिएपछि जिरेल निर्विरोध निर्वाचित भएका हुन् ।
महासंघ दोलखा शाखामा प्रभु जिरेलको अध्यक्षतामा १५ सदस्यीय जिल्ला कार्यसमिति निर्विरोध चयन भएको हो । महासंघको खुला उपाध्यक्षमा नविनकुमार खतिवडा, महिला उपाध्यक्षमा बिनिता भण्डारी, सचिबमा सुजन काफ्ले, कोषाध्यक्षमा सिर्जना गोले, सहसचिव खुलामा सुबास बस्नेत, समावेशी सह सचिवमा गोविन्द थामी निर्वाचित भएका छन् ।
यस्तै खुला सदस्यमा लक्ष्मी बस्नेत, तारा बहादुर महत, रविता महत र बाबुराम थापा चयन भएका छन् । महासंघको महिला सदस्यमा बिना घिमिरे, समावेशी सदस्यमा भवानी खड्का, दलित सदस्यमा प्रमिला नेपाली र जनजाती सदस्यमा लाक्पाली शेर्पा चयन भएका हुन् ।
महासंघको केन्द्रीय प्रतिनिधि परिषद् सदस्यमा शिवकुमार भुजेल, शर्मिला बुढाथोकी र लालकुमार मोक्तान चयन भएका छन् । यस्तै प्रदेश प्रतिनिधि परिषद् सदस्यमा सुजता बस्नेत, अर्जुन दहाल, उषा तमाङ र प्रलाद आचार्य चयन भएका हुन् ।
मनोनयन दर्ता अघि दोलखामा क्रियाशील पत्रकारका चार संगठनबीच सहमतिका आधारमा सर्वसम्मत नयाँ नेतृत्व चयन गर्ने सहमति भएको थियो । सहमति अनुसार प्रेस चौतारीले अध्यक्ष र तीन कार्यसमिति सदस्य, प्रेस युनियनले महिला उपाध्यक्ष, सचिव, सह सचिव खुला र दुई कार्यसमिति सदस्य पाएका छन् ।
यस्तै, प्रेस सेन्टरले कोषाध्यक्ष, समावेशी सह सचिव र दुई कार्यसमिति सदस्य पाएका छन् भने समाजवादी प्रेस संगठनले उपाध्यक्ष खुला र एकजना कार्यसमिति सदस्य पाउने सहमति भएको हो ।
सर्व सम्मत चयन अध्यक्ष प्रभु जिरेल लगायत सम्पूर्ण पदाधिकारी तथा सदस्यहरुको कार्यकाल सफलताको लागि यस बाँपीझ्याला मिडियाको तर्फबाट दोलखा भीमेश्वरमा प्रार्थना गर्दछौं । जय दोलखा भीमेश्वर ।
