नेपाल सम्वत् ११४५, थिलाथ्वः ७, सप्तमी (२३ मंसिर, २०८१, ८ डिसेम्वर, २०२४) शनिवार, बाँपिझ्याला । किर्तिपुर नगरपालिकाय नवनिर्वाचित मेयर कृष्णमान डंगोल न् पदबहाली यङन दिरहिन् । ओन्गु शुक्रवार नगरप्रमुख पदय शपथ कायन्ली मेयर डंगोलं पदबहाली यङन दिए खेउ ।
मंसिर १६ गते सम्पन्न जुउ स्थानीय तहय उपनिर्वाचनय् डंगोल किर्तीपुर नगरय मेयर पदय् निर्वाचित जुएन दिए खेउ ।
मेयर डंगोलय् त येँ जिल्ला न्यायाधीश कमल प्रसाद पोखरेल न् शुक्रवार थिगुर ज्य खँकु शपथ काकेय खेउ । उ ज्य खँकु संघीय सांसद राजेन्द्र कुमार केसी, बागमती प्रदेश सभा दुज पुकार महर्जन जायन दिएन चोङन दिउतन् ।
शपथ ज्य खँ धोन्के मेयर डंगोल नगर कार्यपालिकाय् ज्यकुठी ओङन पदबहाली यङन दिए खेउ ।
मेयर डंगोल त नगर उपप्रमुख शुभलक्ष्मी शाक्य, प्रमुख प्रशासकीय अधिकृत माधवप्रसाद ढकाल, नगरका कार्यपालिका दुज, नगर सभाय् दुज व कर्मचारीपिन्स लसकुस यङ दउजु ।
पदबहाली लिवी मेयर डंगोलं सोगुर निर्णय यङन दिरहिन् ।
विष्णुदेवी अस्पतालकु २४सै घण्टा आकस्मिक सेवा बिईरी, अस्पतालय स्तरोन्नति यरीउरी, नगर खेन्न प्रवाह जुइगु सेवात प्रविधिमैत्री यरीउरी व नगर क्षेत्रय सूचना प्रविधि विषय अध्ययनरत विद्यार्थीपे नितिं प्रोत्साहन बिइत छात्रवृत्तिय व्यवस्था यरीउरी ।
तत्कालीन नगरप्रमुख राजकुमार नकर्मी मदउ साउन १० लिपा कीर्तिपुर नगरपालिकाय नगरप्रमुख पद रिक्त जुयन यय् खेउ ।
