नेपाल सम्वत् ११४५, थिलाथ्वः १, प्रतिपक्ष, (१७ मंसिर, २०८१, २ डिसेम्वर, २०२४) सोमबार, बाँपिझ्याला । मोरङको ग्रामथान गाउँपालिकाको अध्यक्ष पदका लागि भएको उपनिर्वाचनमा माओवादी केन्द्रले विजयी भएको छ ।
निर्वाचन आयोगका अनुसार नेकपा माओवादी केन्द्रका उम्मेदवार नमो नारायण माझीले ५ हजार ९६९ मत ल्याएर विजयी भएका छन् ।
नेपाली कांग्रेसका बलराम सरदार थारुले ५ हजार ३३३ मत ल्याएका छन्। नेकपा एमालेका तुलसी राम विश्वासले ४ हजार १५९ मत पाएका छन्। ग्रामथानमा १८ हजार ५७७ मत खसको थियो।
ग्रामथानमा २०७९ को निर्वाचनमा नेपाली कांग्रेसका जयप्रकाश गच्छदार थारू निर्वाचित भएका थिए।
