नेपाल सम्वत् ११४५ कछलागाः १ (१ मंसिर, २०८१, १६ नोभेम्वर, २०२४) शनिवार, बाँपीझ्याला, दोलखा । अखिल नेपाल खेलकुद महासँघ दोलखाले रक्तदान कार्यक्रमको आयोजना सम्पन्न गरेको छ । नेपाल रेडक्रश सोसाईटी जिल्ला शाखा दोलखाको प्राविधिक सहयोगमा महासँघले आज रक्तदान कार्यक्रम आयोजना गरेको हो ।
चरिकोटमा आयोजित कार्यक्रममा ३० जनाले रक्तदान गरेका छन् । रक्तदान कार्यक्रमको नेकपा माओवादी केन्द्रका केन्द्रीय सदस्य एवं बागमती प्रदेशका पूर्व मन्त्री विशाल खड्काले उद्धघाटन गर्नुभयो ।
रक्तदान कार्यक्रममा माओवादी केन्द्रका नेता शंकर लामा, जिल्ला अध्यक्ष कमल श्रेष्ठ लगाएतका नेता तथा नेपाल रेडक्रश दोलखा शाखाकी उपाध्यक्ष रिता रिमाल लगाएतको उपस्थिति रहेको थियो । कार्यक्रम महासँघका अध्यक्ष विमल ओलीको अध्यक्षमा सम्पन्न भएको हाम्रो अपडेटले जनाएको छ ।
