नेपाल सम्वत् ११४५, कौलाथ्व ७ (२३ कार्तिक, २०८१) ८ नोभेम्वर, २०२४, शुक्रवार, बाँपीझ्याला, दोलखा । गौरीशंकर गाउँपालिकामा हुन लागेको उपनिर्वाचनमा नेकपा माओवादी केन्द्रले आज शुक्रवारदेखि “घर गाउँ अभियान” शुरु गरेको छ ।
यसै क्रममा माओवादी केन्द्रका केन्द्रीय सदस्य विशाल खड्काले पार्टीले उपाध्यक्ष पदमा उठाएको उम्मेदवार गाउँका जनतासँग घुलमिल भएर सेवा गर्न सक्षम रहेको बताएका छन्।
माओवादी केन्द्रका जिल्ला इन्चार्ज समेत रहेका खड्काले पार्टीले उम्मेदवारको पारिवारिक अवस्था र आर्थिक पक्षको भन्दा पनि जनताको सुख, दुःख बुझ्नेलाई प्राथमिकता दिएको समेत उहाँले बताउनु भयो । ।
यसरी माओवादी पार्टीले गौरीशंकर गाउँपालीकामा हुन लागेको चुनावको लागि निम्लेकी शेर्पालाई उठाएको र उहाँ संग अरु पार्टीका उम्मेदवारको तुलना गर्नै नसकिने दाबी गर्नु भएको छ ।
त्यसैले अहिले माओवादी केन्द्रले उठाएको उम्मेदवार निम्लेकी शेर्पालाई घर गाउँको सेवा गर्न अवसर प्रदान गर्न स्थानिय वासिन्दाहरुसंग आग्रह गर्नु भएको छ ।
