नेपाल सम्वत् ११४४, ञलागाः १२, (१३ असोज, २०८१) आईतबार, बाँपीझ्याला, दोलखा । दोलखा घर भएका प्रमुख सेनानी मिलन केसीको पहिरोमा परेर मृत्यु भएको छ । शनिबार दिउँसो सिन्धुपाल्चोकको सुनकोशी–४ मा अबिरल बर्षासँगै आएको पहिरोमा परि उनको मृत्यु भएको हो ।
भीमेश्वर नगरपालिका वडा नं. – ८ बोच घर भएका केसी नेपाल सैनिक प्रतिष्ठान खरिपाटीमा कार्यरत हुनु हुन्थौ । केसी दुई कोरियन नागरिक सहित सुनकोशी गाउँपालिका–४ चियानेमा रहेको सिन्धु बीच रिसोर्टमा शुक्रवार पुगेका थिए । सो क्रममा सुतिरहेको बेला २ साथिहरुलाई माथिबाट आएको पहिरोले पुरेको थियो ।
साथिहरुलाई पहिरोले पुरेपछि बचाउ गएका उनि गम्भीर घाइते भएका थिए । पहिरोमा परी गम्भीर घाइते भएका उनको गम्भिर चोटपटक लागेर मृत्यु भएको प्रहरीले जनाएको छ ।
यसै गरी बाढी पहिरोमा परि मृत्यु हुने दाजुभाई, दिदीबहीनीहरुको दिवंगत आत्माको चिरशान्तीको कामना गर्दै शोक सन्तप्त परिवारजनमा हार्दिक सम्वेदन व्यक्त गर्दछौं । यसैगरी बाढी पहिरोमा परि घाईतेहुनेहरुको यथासिघ्र स्वास्थ्य लाभको कामना गर्दछौं ।
