नेपाल सम्वत् ११४४, ञलागाः ९, शुक्रवार (११ असोज २०८१) बाँपिझ्याला, दोलखा । प्राचिन शहर दोलखा भीमेश्वर नगरपालीका वडा नं. २ डोक्छे स्थित भुकम्पले क्षती भई भग्नाभेष अवस्थामा रहेको भीम पुस्तकालय समाजसेवी बरिष्ठ ई.आत्माकृष्ण श्रेष्ठको विशेष सक्रियता र वित्तिय सहयोगमा रुपा फाउण्डेशनले पुनः निर्माण सम्पन्न गरिएको छ ।
यसरी सम्पन्न गरिएको पुस्तकालयको विधिवत उद्घाटन स्थापना दिवसको अवसर पारेर यही आउँदो पौष २७ गते २०८१ सालमा गर्ने भएको छ ।
यसरी सम्पन्न गरिएको भीमपुस्तकालय नेपाल सम्वत् ११४४, बछलागाः ९, शनिवार (१९ जेठ, २०८१) का दिन भीमेश्वर नगरपालीका वडा नं. २ का वडाध्यक्ष स्टालिन श्रेष्ठलाई हस्तान्तरण गरिएको थियो । यसरी पुस्तकालय निर्माण पश्चात वडाध्यक्ष स्टालिन श्रेष्ठलाई हस्तान्तरण सँगै गत २०८१ भाद्र ६ गते रुपा फाउण्डेशनका संरक्षक बरिष्ठ ईन्जिनियर समाजसेवी आत्माकृष्ण श्रेष्ठको आतिथ्यतामा दोलखाका युवा समाजसेवी रत्नबहादुर श्रेष्ठको अध्यक्षतामा एक समिती गठन गरिएको थियो ।
बरिष्ठ ईन्जिनियर समाजसेवी आत्माकृष्ण श्रेष्ठले आफ्नो व्यक्तीगत लगानीमा दिवंगत श्रीमती रुपा श्रेष्ठकी सस्मरणमा रुपा फाउण्डेशनको सक्रियतामा पुस्तकालय निर्माण सम्पन्न गरिएको हो ।
यसै गरी उक्त पुस्तकालयमा आवश्यक पुस्तक र फर्निचर खरीदको लागि समाजसेवी जेष्ठ नागरिक श्यामकृष्ण प्रधान तथा ईनु प्रधानको कान्छा सुपुत्र हाल अमेरीका निवासी रोचक प्रधान र श्रीमती लक्ष्मी प्रधानको नामबाट एक लाख सहयोग प्रदान गरिएको छ ।
यसरी युवा समाजसेवी रत्नबहादुर श्रेष्ठ विशेष सक्रियता र शान्त श्रेष्ठको पहलमा भीमपुस्तकालय दोलखाको आ.ब. २०८१/०८२ सम्मको नविकरण सम्पन्न गरिएको छ । साथै पुस्तकालय संचालनको लागि साहित्यकार अमरकुमार प्रधान, प्राध्यापक अमन श्रेष्ठ, प्राध्यापक ईन्जिनियर हरिदर्शन श्रेष्ठ, स्थानिय समाजसेवीद्वयहरु हर्कबहादुर श्रेष्ठ, सकुना मलेकु श्रेष्ठ र भोलाकुमार श्रेष्ठ रामेछापलाई सल्लाहकारमा मनोनयन गरिएको छ भनी अध्यक्ष रत्नबहादुर श्रेष्ठले बताउनु भयो ।
साथै हाल भीमपुस्तकालयको पुरानो कितावहरुलाई सर–सफाई गरी दराजमा राख्ने काम सम्पन्न गरिएको छ । यसलाई थप व्यवस्थापनको लागि आफु र आफ्नो समितीका सदस्यहरु लागि परिरहेकोले समेत अध्यक्ष श्रेष्ठले बताउनु भयो । यसै सिलसिलामा उपत्ययका स्थित दोलखाका संंघ–संस्था प्रतिनिधीहरुविच हिजो एवान क्याफे नयाँबजारमा एक बैठकको आयोजना गरिएको थियो ।
उक्त बैठकबाट सकारात्मक निर्णय भएको समेत बताउनु भयो । साथै भीमपुस्तकालय दोलखाको लागि चािहले आवश्यक सर–सल्लाह र सहयोगको लागि विशेषतः दोलखावासी र शिक्षाप्रेमी महानुभावमा सहयोगको लागि आग्रह सहित अनुरोध गर्नु भएको छ ।
