नेपाल सम्वत् ११४४, ञलाथ्वः १३ (३१ भाद्र, २०८१) सोमबार, बाँपीझ्याला, दोलखा । शहीद आवासीय माध्यामिक विद्यालय जिरीले दिवंगत भीम बहादुर स्मृति नेविसंघ फुटबल प्रतियोगिता २०८१ को उपाधि हात पारेको छ ।
सदरमुकाम चरिकोट स्थित भीमेश्वर रङ्गशाला (टुरिखेल) मा गत २५ गते संचालन भएको खेलमा आज सोमबार अल्पाइन पब्लिक स्कुललाई ३–० गोल अन्तरले हराउदै उपाधि हात पार्न सफल भएको हो ।
त्यस्तै जेम एकेडेमी जिरी तृतीय र द राइजिङ हिम्स एकेडेमी चरिकोट सान्त्वना भएको संघका अध्यक्ष सौगात थापाले बताए । उनका अनुसार प्रतियोगितामा प्रथम, द्वितीय, तृतीय, र सान्त्वना हुने टिमलाई ५० हजार, ३० हजार, २० हजार, र १० हजार रुपैयाँ पुरस्कार सहित शिल्ड ,मेडल र प्रमाणपत्र वितरण गरेको छ ।
खेलमा जिल्लाको १७ वटा विद्यालयहरूको सहभागीता थियो । विजेता टिमलाई नेपाली कांग्रेस दोलखाका सभापति बर्मा लामाले पुरस्कार वितरण गरेका थिए भने उद्घाटन नेपाल सरकारका युवा तथा खेलकुदमन्त्री तेजुलाल चौधरीले गरेका थिए ।
तश्विर : राजकुमार भुजेल
