नेपाल सम्वत् ११४४, यँलाथ्वः ६ (२५ भाद्र, २०८१), मंगलबार, बाँपीझ्याला, येँ । नेवाः देय् दवुय थापना जुउ निगुदँ पुरा जुयन सुईदँ किङ्गु बुदिन ङाकेर्जु । स्वःनिगय खुसीवुकु लकु नेपाः ब्यान्केय भोस छेँकु ङाके आमु बुदिनय ज्य खँकु बागमती प्रदेशय कृषि आले पशुपंछी विकास मन्त्री माननिय भाजु प्रकाश श्रेष्ठ मुल पाउँना जुयन जायन दिएन चोङन दिउजु ।
नेवाः देय् दवुय नायः पवित्र बज्राचार्यय नायत्वकु हिल्गु आमु बुदिनय ज्य खँकु विशेष पाउनापेनकु बागमती प्रदेश सामाजिक विकास मन्त्री माननिय मयजु हरिप्रभा खड्गी, हाखेनय खेलकुद मन्त्री संघिय हाखेनय संस्कृती पर्यटन मन्त्री भाजु जिवनराम श्रेष्ठ, सासंद भाजु विराजभक्त श्रेष्ठ, हाखेनय बागमती प्रदेशय संस्कृती आले पर्यटन मन्त्री प्रदेश सासंद भाजु शैलेन्द्रमान बज्राचार्य, भाषा आयोगय दुज सुरेशकिरण मानन्धर, येँ महानगरपालीका नकिन मयजु सुनिता डंगोल जायनदिएन चोङन दिउजु ।
आन्थितु नेवाः देय् दवुय सल्लाहकारपेन हाखेनय महान्याधिवक्ता बरिष्ठ अधिवक्ता मुक्तीनारायण प्रधान, डा. पुष्पराज कर्णिकार सुत्ता नेवाः अभियान्तापेन गत्केङ जायन दिएन चोङन दिउ ।
नेवाः देय् दवुय नायः भाजु पवित्र बज्राचार्यन जायन दिएन चोङनदिउ मुल पाउँना, विशेष पाउँना, थि थि खलकय दुज व नेवार दाजुकिंज, तिताकेहेपिस्त लसकुस भाषण न लसकुस यङन दिरहिन् । आकु जायन दिएन चोङन दिउ मुल पाउँना, विशेष पाउँना, पाउँनापिसिन् भिङ्गु टोङ खँ प्वन्के दिरहिन् । ईथितु नेवाः देय् दवु त थि थि ठाँईलान् ग्वाहार यङन दिउ नेवाः अभियान्ता, व्यक्तित्व, कलाकार, पत्रकार, छेँ दकेईत ढ्यावा दान विउ सुत्ता दोखुसेत मान विय नाप नापङ मत्याङ चिन्न वियन मान तयन दिरहिन् ।
मुल छ्याञ्जे भाजु सत्यनारायण डंगोल न हिल्के दिए आमु ज्य खँकु ङास्सर सोयन गत्के नेवार दाजुकिंज, तिताकेहेपिसिन् ब्व कायन दिईत जायन दिउ दउजु ।
उ ज्य खँकु थि थि प्याखन हल्के म्ये हले दउजु । ईथितु छिजि द्वाल्खा नेवारी भाषाय म्येकु ल्यास्मा भाजु दिपक स्वप्नील न भाजु भानु श्रेष्ठ न चिङन दिए कुमारी सोर ओन्ङ लय म्ये हलेन गत्के मनरञ्जन वियन दिरहिन् । म्ये हले नाप नापङ छिजि द्वाल्खामीपेन प्याखन उयन गत्केङ मनरञ्जन जुर ।
ईथि बुदिनय ज्य खँकु बरिष्ठ कोकजी चन्द्रलाल राजभण्डारी चितवन, नकिन मयजु रश्मिला प्रजापती येँ, कोकजी शान्त श्रेष्ठ बागमती प्रदेश, कोकजी उमेश स्थापित स्वःनिग विशेष प्रदेश, मुल छ्याञ्जे सत्यनारायण डंगोल, येँ, ढ्यावा बरिल निरञ्जन रत्न शाक्य, येँ, छ्याञ्जे मचाराजा महर्जन,येँ , छ्याञ्जे हरिकुमार श्रेष्ठ, सिन्धुपाल्चोक, केन्द्रिय दुजपेन रमना श्रेष्ठ, येँ, अनिल लेकाली, रामेछाप, माईला डंगोल, येँ व उपेन्द्र प्रधान, द्वाल्खा जायन दिय दउजु ।
