नेपाल सम्वत् ११४४, गुँलागाः १० (१३ भाद्र, २०८१) बिहीबार, बाँपीझ्याला । नेवाः देय् दवु व नेवाः मिसा दवुय थिगठकु “सांस्कृतीक संरक्षण क्षेत्र, नेपालभाषा व साँस्कृतिक पुरुत्थान” चोय खँ (विषय) कु ठोलीबोली (अन्तरक्रिया) ज्यखँ थनु अल्फा वेटा कम्प्लेक्स हुँलु बानेश्वरकु सम्पन्न जुर ।
उ ज्य खँय लागिन् कल्चर सरभाईवल न ग्वाहाय यङ खेउ ।
नेवाः देय् दवु व नेवाः मिसा दवूय थिगठकु जुउ आमु ज्यखँ दवुय नायः भाजु पवित्र बज्राचार्यय नायत्वकु हिल्गु खेउ । ईथितु जायन दिउ संघिय माननिय सासंद, प्रदेश सासंद, नेवाः देय् दवुय सल्लाहकार, नेवाः मिसा दवुय सल्लाहकार, नेवाः देय् दवु व मिसा दवुय केन्द्रिय दजु आले जायन दिएन चोङन दिउ पाउँनापिस्त नेवाः देय दवुय संरक्षक हाखेनय नायः दवु नकु मयजु रश्मिला प्रजापतीन लसकुस यङन दिरहिन् ।
“सांस्कृतीक संरक्षण क्षेत्र, नेपालभाषा व साँस्कृतिक पुरुत्थान” चोय खँ (विषय) ज्य खँय बारेकु नेवाः देय् दवु स्वःनिग विशेष प्रदेशय नायः भाजु उमेश स्थापितन कार्यपत्र प्रस्तुत यङन दिरहिन् । विशेष यङ उ ज्य खँकु नेवाः संघिय व प्रदेशय सासंस दुजपे थउ ज्य खँ आले विचार ङेङन हाखेन उईरी थिगुर उद्देश्य तयन यङ उ ज्य खँकु थउ थउ विचार प्वन्के दिरहिन् ।
ईथि विचार प्वन्के दिउकु काठमाण्डौं महानगरपालीका हाखेनय नकु बागमती प्रदेश दुज सामाजिक विकास मन्त्रि मयजु हरिप्रभा खड्गी, संघिय माननिय दुज मयजु शुसिला श्रेष्ठ, संघिय माननिय दुज भाजु धु्रबहादुर प्रधान आन्थितु बागमती प्रदेशय हाखेनय मुल मन्त्री बागमती प्रदेशय माननिय दुज नेवाः मिसा दवुय दुज मयजु अष्टलक्ष्मी शाक्य, बागमती प्रदेश आन्तरिक मामिला आले कानुनय हाखेनय मन्त्री बागमती प्रदेश माननिय दुज भाजु गंगानारायण श्रेष्ठ, बागमती प्रदेश सरकार संस्कृति आले पर्यटनय हाखेनय मन्त्री बागमती प्रदेश माननिय दुज नेवाः देय् दवुय आले राष्ट्रिय परिषद् दुज भाजु शैलेन्द्रमान बज्राचार्य व बागमती प्रदेश माननिय दुज भाजु तारानारायण श्रेष्ठ खेउ । आन्थितु नेवाः देय् दवुय सल्लाहकार भाजु डा. पुष्पराज राजकर्णिकार न थउ खँ प्वन्के दिरहिन् ।
नेवार माननिय सासंदपिसिन थिगुरतु खँ प्वन्के दिरहिन् । “छिजि नेवारय संस्कृती, परम्परा व जात्रामात्र” न नेपालय पहिचान वियन तरै उकु खँकु छिजि यउ पार्टीय जुर्सङ थि जुईमल । वय लागिन् पार्टीगत रुपन सोई मजि हङ खँ दउजु । नेपाल दुपान गुली जातजातीपे दमु आमु दोखुनु जातजातीपे थउ संस्कृती, परम्परा म्वात्केईए लागिन् छिजि दोखुनु मिलई जुयन ग्वाहार यरी मल । खँ मोथुय लागिन् छिजि नेवारय जुकुन खँ लारई बारपरहिन् आमु मखे हङ खँ थुकेई मल्गु जरुरी दमु हङ खँ प्वन्के दिरहिन् ।
उ ज्य खँकु नेवार जाती त ओसिकेईरी, नेवाः नेवार शब्दय ब्यत्पति, नेपाल भाषाय नामाकरण, नेपाल भाषा लिपी, च्वय खँ लिपी, साँस्कृतिक संरक्षण क्षेत्र, सांस्कृतिक संरक्षणय घोषणा हात्त ? ऐन दकेईरी ज्यखँ, साँस्कृतिक क्षेत्र दकेईरी आउय अभ्यास, किपु नगरपालीका साँस्कृतीक संरक्षित क्षेत्र, टोखा साँस्कृतिक संरक्षित क्षेत्रय बारेकु ठोलीबोली (छलफल) जुउ ।
