नेपाल सम्वत् ११४४, गुँलाथ्वः ६ (२७ साउन, २०८१), आईतबार, बाँपीझ्याला ।
गाठामा डुईरी आमसीनन्सी द्वाल्खाकु जात्रा शुरु जुर । ईथितु साउन शुक्ल पक्ष प्रतिपदानन्सी द्वाल्खा शहर दउ देउय आराधनाय लागिन् थाब्न ट्वाल हो कोब्न ट्वाललान् देउ उईरी ज्य खँ जुर । आन्थीतु थापरेङ उ ज्य खँ न्हियन्हि जुरु जुयन चोन ।
नागपञ्चमीङ उईं धोन्जु । आउ थपेन दोखुसेत थापरे गुँल्ला ङाकेईत सत्त चोन द्वाल्खान् । ईथि छिजि थउ पहिचान दउ ज्य खँ गुनेङ कर हो काप न ङाकेईरी सोयनुङ थउ पहिचान दुपान छिजि भाषा, संस्कृती आले परम्परा लङन् चोङ लागिन् वय संरक्षण गिथी यङन् यरीउरी हङ खँ छिजि जिम्मेवारीकु लङन चोङ लागिन् । गुली फरगु आम्ली फुर्सद मिल्याङन द्वाल्खा उईंरी रा ? ज्य खँन् यत्न थपिस्त फुर्सद मदेयन लुँङमोओन्केईत हङन ईसिन् लुँओन्के विय जुकुन खेउ ।
छिजि थिनागु भिन्न आले छिजि भाषा, संस्कृती मिलई जुउ तौथलीकु थउ जात्रापर्व ङाकेईत तौथलीकु मुचानन्सी ड्वाकुटुल्ले स्वःनिगलान् थेनहिन् । आन्थीतु गोरखा, धनकुटा, धरान, विराटनगर दोखुबलेङ स्वःनिगकु चोन्गु नेवारपेन थउ छेँ छेँ ओङन जात्रा ङाकेरहिन् ।
छिजि री हात्त मोईरी उईंलौं हङन थापरेनन्सी लितङ बनारसी सहयोगी हातपिसिन् गुँन्लाय नखतकु समई बजि देउ देगलकु छायन ङाके मुसउ एईराक तोङन डाकस सोके मानेकेईए लागिन् थि थि ज्य खँ ग्वर ओङन चोन ।
आमुकु त्याकुपिस्त सिरपाउय व्यवस्थाङ यङन तरै । ईथि दोखुसेनुङ थउ जिम्मेवारी आले दायित्व पुरा यङन थापरेय गुँन्लाकु द्वाल्खा ओङन ङाकेईलौं हङन ईसिन थपिस्त दुपान दुगरलान्नसी ईनाप यङन विम्ती दिके चोनगु । जय द्वाल्खा
