Search

लघु कथा : संशय

लघु कथा : संशय

प्रमुखको योजना आम सहमतिमा पारित भयो । सफलतामा उनी पुलकित भए । कार्यक्रम विसर्जनको घोषणा हुन लागेको थियो । उपस्थित मध्ये एक विद्यार्थीले हात उठाए । उनलाई बोल्ने अनुमति प्राप्त भयो । “प्रमुखज्यू हजुरको छोराछोरी कति छन् ?” प्रमुख शङ्कोच मिश्रित भावमा बोल्न थाले– “सार्वजनिक कार्यक्रममा व्यक्तिगत प्रश्नको औचित्य छ र ?”

“हजुर अवस्य छ ।”
“चारजना । ”
“कहाँ छन् ? ”
“युरोप अमेरिका, अष्ट्रेलिया र कान्छो राजधानीमा ।”
“उनी पनि विदेशकै चक्करमा होइन ?”
“खै !”
“हजुरका छोराछोरीले किन थातथलो छाडे त ? ”
“खै !”
“उपयुक्त रोजगारी, सेवा , सुविधा पाए भने यतै बस्थे होलान् कि !”
“सायद ।”

“तपाईंले तीन सन्तान गाउँको बरदान झै घोषणा गरी पुरस्कार पनि घोषणा गर्नु भएको छ । गाउँ रित्तिनुको प्रमुख कारण कम जन्मदर नै होला या अन्य केही ?”

२०८१/०३/२६
मिसु श्रेष्ठ थपलिया, दोलखा

मल्टिमिडिया ग्यालरी

Written by 

Related posts

Leave a Comment

error: Content is protected !!