Search

नेवाः देय् दवु व नेतृत्व विकास तालिम थिगुर अनुभूती

नेवाः देय् दवु व नेतृत्व विकास तालिम थिगुर अनुभूती

नेपाल सम्वत् ११४४, बछलागा पारु, बाँपिझ्याला, येँ । येँ महानगरपालीकाय् ग्वाहारकु नेवाः देय् दवुन नेवाः देय् दवुय प्रदेश समिती व जिल्ला समितीय पदाधिकारीपिस्त “संस्था हिल्केईरी, क्षमता अभिबृद्धि व नेतृत्व विकास” शिरय च्वय खँकु मेह्ग बछलागा पारु व थनु दुतिया खुन्हु ( २०८१ जेष्ठ ११ र १२ गते) शुक्रवार शनिवार निस्नु ग्वसाग्वय ज्य ज्य खँ थनु सम्पन्न जुर ।

ईथि मेह्ग व थनु नेवाः देय् दवुय जिल्लानन्सी केन्द्रटुल्लेय पदाधिकारी आले दुजपे दातिकु संस्था हिल्केईरी, क्षमता अभिबृद्धी व नेतृत्व विकास तालिम शुरु यङन थनु धोन्केय खेउ । गुरी मेह्ग पहिला न्हि खुन्हु निनेसय ३ घडीनन्सी हिल्केय खेउ ।

ईथि हिल्ेकय आमु नेतृत्व विकासय ज्य खँ नेवाः देय् दवुय नायः भाजु पवित्र बज्राचार्यय नायत्वकु हिल्केय आमु चल्केय ज्य खँकु नेवाः देय् दवुय हाखेनय नायः संरक्षक भाजु मल्ल के सुन्दर, हाखेनय नायः भाजु नरेश ताम्राकार, संघिय प्रतिनिधी सभाय सांसद मयजु सुयकुमारी श्रेष्ठ दैलेख, ज्य खँ सेन्गु माष्टर भाजु हिम्मत सिंह लेकाली सुत्ता मेवु मानजाउ मिपेन जायन दिएन चोङन दिउ ।

तालिमकु ब्व कार जायन दिएन चोङन दिउ व पाउँनापिस्त नेवाः देय् दवुय बरिष्ठ कोकजी भाजु चन्द्रलाल राजभण्डारीन् लसकुस भाषणलान् लसकुस यङन दिरहिन् । ईथितु ज्य खँ मुल छ्याञ्जे भाजु सत्यनारायण डंगोल न हिल्के दिए खेउ ।

चल्केय ज्य खँ धोन्केय नाप नापङ नेवाः देय् दवुय नायm भाजु पवित्र बज्राचार्यन ब्व कार जायन दिएन चोङ्गु दोखुनु भाजु मयजु व शुभचिन्तकपिस्त लसकुस यङन मेह्गनन्सी शुरु जुउ थनु टुल्ले हिल्गु आमु तालिम त बाँलस्के ब्व कायन थउ सेङन ताय खँपिस्त मनकु कायन थउ थउ पालीका आले जिल्ला ओङन सेईत सक्षम जुईय लागिन् बाँलकु टोङन ज्य खँ धोन्के दिरहिन् ।

चल्केय ज्य खँ धोन्केयन्ली मेह्ग दोश्रा सत्रकु नेवाः देय् दवुका हाखेनय नायः आलें संरक्षक मल्ल के सुन्दरन् संस्था व संस्थागत विकासय बारेकु सिके दिरहिन् । आन्थितु हाखेनय नायः माले संरक्षक भाजु संरक्षक नरेश ताम्राकारले संस्थाय् सांगठनीक संरचनाय् बारेकु सिके दिरहिन् ।

उ प्रशिक्षण तालिमकु माष्टर (प्रशिक्षक) हिम्मतसिंह लेकालीन् नेवारपेन गिथी थिठाँई जुईरी हङ शिरकु सेईरी (प्रशिक्षण) वियन् दिरहिन् । ईथी प्रशिक्षण विईरी ज्य खँकु मत थिगुर, मत भिन्न गिथी जुर उ खँकु गुन दोषी जुईरीकु गुने गुली भूमीका जुर ? वत गिथी यङन कम यरी फरई ? वय लागिन् छिजिन् गिथी यङन कम यरी फरगु ? हाती यरी जिर, हाति यरी मजि हङ खँ नाप नापङ छिजि थउ जातिय पहिचान व संस्कृती अले नेपाल भाषा त गिथी संरक्षण यरी फरगु हङ खँकु कलास कायन दिरहिन् ।

आन्थितु थनु दोश्रा न्हिकु माष्टर (प्रशिक्षक) भाजु अनिल चित्रकार, भाजु शहदेव महत, शंकर महर्जन, काँजल प्रधान, व स्नेहा शाक्यन् थउ थउ च्वय खँकु कलास कायन दिरहिन् । ईथि कलास कायन ब्वन्केयकु ज्य खँक हिल्केई त गिथी यङ ढ्यावा ग्वारमुईरी ? ढ्यावा ग्वाहार हाईरी दातृसंस्थापेन गु गु खेउ ? गिथी ग्वाहार काई फरगु ? आमु ग्वाहार काय ढ्यावा गिथी खर्च यरीउरी, हातीय लागिन् खर्च यरीउरी, आमु ढ्यावा खर्च यङन्ली आमे नजिता गिथी पित यर व ग्वाहार काईय लागिन् गिथी प्रस्ताव पत्र च्वय पती च्वईमल हङ खँकु ठोलीबाली (छलफल) यङन दिरहिन् ।

ईथि कलास काई धोन्केन्ली तालिमकु ब्व कायनदिउ भाजु मयजुपिस्त नायः पवित्र बज्राचार्यय लाहालान् दसिपती वियन दिरहिन् । आन्थीतु आमु तालिम हिल्केईय लागिन् ग्वाहार यङन दिउ माष्टर (प्रशिक्षक) पिस्त मत्याङ चिन्न वियन दिरहिन् ।
ईथि धोगुनु ज्य खँ धोन्केन्ली जायन दिएन व्व कायनदिउ भाजु मयजुपिस्त बाँलकु व भिङ्गु ज्य खँय लागिन् कामना यङन लिखन दोखुनु नाप ज्याङ किपा कायन्ली निजा नयन ज्य खँ धोन्केजु ।

ईथि लिखन धोई ताक्कु बागमती प्रदेश संस्कृती आले सहकारी मन्त्री भाजु शैलेन्द्रमान बज्रचार्य जायन दिएन चोङन दिउतन् । मन्त्री भाजु बज्रचार्य जायन दिएताक्कु ब्व कायन चोङन दिउ दोखुन भाजु मयजुपिस्न लसकुस यङन दिरहिन् ।

आउ जन थउ विचार उकु वात्चा थपेलागिन् ब्वरगी :
हरिमल्स ईनागु नेतृत्व विकासय तालिम थुनसोयन सुईच्यादँ हाखेन यल चापागाउँय झरुवारासीकु युवा समन्वय क्रियाकलापन लछिटुल्ले ग्वसाग्वय तालिमकु द्वाल्खालान् जि व साङत भरत श्रेष्ठन व्व कायन खँ थपिस्त सिकेरगी । तालिम आमुतु खेउ तर बात्चा पाके वियन दिरहिन् । आमुताक्कु बासुदेव न्यौपाने व हरि सरन तालिम विएन दिए हर्स उपतकन मेवु हिम्मत लेकाली दाजु सुत्ता मेवु माष्टरपिस्न विय खेउ ।

ईथि खँ लुँओन्केर्ङ दोखुताङ छिजिकेतु दमु । तर दउ खँ त गिथी यङन छिजिन थउ पालना यरीउरी आले मेविस्त गिथी यङन यत्केईरी हङ खँ ड्वाकु समस्या दउ खोई दमु । उ समस्या दुपान सउय खँ मसउ न मङेईरी, थिम्ह नेतृत्व मेवु स्विकार मयरीउरी, थउ त मल्न नाप चोङ्गुय ग्वाहार काईरी, थउ खुँवन्केर्ङ व यरी मल्ङसिन् टायन चोन्गु त लुँवन्के नाप ज्याङन स्वाक स्वाक टाय ज्य खँ यरी म्लालीउरी ड्वाकु दउ खँ पित यउ खोन्गी ।

आउ ईनागु छिजि मष्तिक दुपान दउ बाँमलकु देसान त गिथी यङन लाकेईरी व मेवुपिस्त सरई जुई मविईरी हङन विचार यङन् हाखेन उई मल्गु खोईदमु । सोर्ङसिन् वा देसान वा खेङले उ वा चारङ लाकेई फहे फरगी हङथे जुर । तर आमु गसान गसान थिम्हन् मेवु त मेवुत मेवुत सरई जुई धोन्केन्ली लाकेई ठाकर हङ खँ मेवु महत्वपूर्ण दउ खोई व ङेई दत ।

वय लागिन् छि सोयन जि चिचा हरीउरी, थिम्हन् मेवु नाप राक यर्सङ ङिलेन चोईरी सोयन मेवु मुल मदउ खोनगी ।
आउ छिजि जिम्मेवारी व दायितव ङ नाप ज्याङन लाकेईरी सोयन मेवु मदउ जुयलागिन् वय वारेकु छिजि मष्तिक त खोङके हाखेन थिठाँई नाप ज्यँ खँ धोन्केई मल हङ जन थउ ओप्तेचा विचार दमु ।

उपेन्द्र प्रधान, दुज नेवाः देय दवु केन्द्रिय समिती, द्वाल्खा

मल्टिमिडिया ग्यालरी

Written by 

Related posts

Leave a Comment

error: Content is protected !!