बाँपिझ्याला, येँ, नेपालसम्वत् ११४४ बछलाथ्वः (त्वा) द्वादशी तिथि सोमबार । प्रधानमन्त्री पुष्पकमल दाहाल ‘प्रचण्ड’ न प्रतिनिधिसभा बैठकलान् विश्वासय मत कायन्ली सत्ता साझी मुलदल नेकपा (एमाले)य संसदीय दलय नेता आले नायः केपी शर्मा ओलीन् बधाई वियन बाँलकु ज्य खँय लागिन् भिङ्गु टोङन दिरहिन् ।
संसद् बैठकलान् विश्वासय मत कायन्ली नायः ओलीन् संसद् दुपानतु प्रधानमन्त्री प्रचण्डय् ज्यकुठीकु ओङन बधाई विय खेउ । मुल प्रतिपक्षी दल नेपाली काँग्रेस न संसद् बैठकय् बेल घेराउ यङ विरोध यङन चोङ व्यलाकु सभामुख देवराज घिमिरेन् विश्वासय मत काईरी प्रक्रिया सुरु यङन दिए खेउ ।
आमु सोयन हाखेन मुल नेता आले कार्यदल व कार्यव्यवस्था परामर्श समितिय बैठककु सदन चल्केईरीय बारेकु छलफल जुर्सङ सहमती जुई मफउनी जुउ ।
देश व जनताय लागिन् पार्टीपेन नाप ज्याङन सरकार हिल्के देशकु अर्थतन्त्रय विकास यरी मल्गु थनुय मुल आवश्यकता दुम । उ ज्य खँ त प्रधानमन्त्री प्रचण्ड यरीत दोखुनु दलपे ग्वाहार नाप थलत हङन कामना यतगु ।
