Search

दोलखा सोक्ला भ्यालीमा रक क्लाईम्विङ च्याम्पिय २०८० सम्पन्न, महिला तर्फ सिर्जना श्रेष्ठ प्रथम

दोलखा सोक्ला भ्यालीमा रक क्लाईम्विङ च्याम्पिय २०८० सम्पन्न, महिला तर्फ सिर्जना श्रेष्ठ प्रथम

१३ चैत्र, बाँपिझ्याला, दोलखा । भीमेश्वर नगरपालीका वडा नं. २ स्थित सोक्ला भ्यालीमा रक क्लाईम्विङ च्याम्पिय २०८० सम्पन्न भएको छ । सोक्लाश्वरी पर्यटन विकास समाज (एसटिडिएस) ले चैत्र ९ र १० गते आयोजना गरिएको सोक्ला रक क्लाईम्विङ सम्पन्न भएको हो ।

भीमेश्वर नगरपालिकाको आर्थिक सहयोग र माउन्टेन गाइड एसोसिएन अफ नेपाल (मोगान) को प्राविधिक सहयोगमा उक्त रक क्लाईम्विङ प्रतियोगीता भएको हो । दोलखाको पर्यटन प्रवद्र्धनका लागि सोक्लाश्वरी पर्यटन विकास समाजले गत बर्षदेखि नै सोक्ला रक क्लाईम्विङ सम्बन्धि गतिवधि गर्दै आइरहेको छ ।

मोगानका अध्यक्ष सञ्जीव गुरुङ र सगरमाथा आरोही लाल बहादुर जिरेलले रक क्लाईम्वरहरुलाई प्राविधिक सहयोग गरेका थिए । जिल्लाका विद्यार्थी, युवा पुस्ता, स्काउट, त्रिपुरा स्काउट ट्रप्सको टिमले रक क्लाईम्विङमा सहभागी जनाएको थियो ।

त्रिपुरा स्काउट ट्रप्सका सिर्जना श्रेष्ठले सबैभन्दा कम समयमा रक क्लाईम्विङ गरेर महिला तर्फ प्रथम भएको आयोजकले जनाएको छ ।

श्रेष्ठले २ मिनेट ११ सेकेन्डमा २५ मिटर आरोहण गरेका थिए भने झर्दा २९ सेकेन्ड लगाएका थिए । यस्तै सक्सेस लामाले १ मिनेट ५२ सकेन्डमा २५ मिटरमा आरोहण गर्दै पुरुष तर्फ प्रथम भएको थियो । यस्तै रोसन रसाइलीले २ मिनेट ३० सकेन्डमा २५ मिनेट पार गरेका थिए ।

दुई दिन भएको उक्त रक क्लाईम्विङमा ५० जनाले आरोहण गरेको कार्यक्रम संयोजक अर्जुन तामाङले जानकारी दिए ।
यसै गरी गत जेठ महिनामा पनि सोक्ला रक क्लाइम्विङ महोत्सव आयोजना गरेका थिए ।

मल्टिमिडिया ग्यालरी

Written by 

Related posts

Leave a Comment

error: Content is protected !!