Search

आमिरले पाकिस्तान आईसीसी टी–२० विश्वकपका लागि फेरि मैदानमा फर्कने

आमिरले पाकिस्तान आईसीसी टी–२० विश्वकपका लागि फेरि मैदानमा फर्कने

१३ चैत्र, बाँपिझ्याला, काठमाण्डौं । पाकिस्तानका फास्ट बलर मोहम्मद आमिरले पाकिस्तान क्रिकेट बोर्डसँगको वार्तापछि आईसीसी टी–२० विश्वकपका लागि फेरि मैदानमा फर्कने तयारी गरेका छन् । आमिरले सन् २०२१ मा अन्तर्राष्ट्रिय क्रिकेटका सबै फर्म्याटबाट सन्न्यास लिएका थिए ।

३१ वर्षीय फास्ट बलर हालै पाकिस्तान सुपर लिगमा क्वेटा ग्लाडिएटर्सबाट खेलेका थिए । उनले ९ खेलमा ८.४१ को इकोनोमी रेटमा १० विकेट लिए ।

आमिरले सामाजिक सञ्जालमा पोस्ट लेख्दै टी–२० विश्वकप खेल्ने इच्छा व्यक्त गरेका छन् । उनले लेखेका छन्, ‘म अझै पनि पाकिस्तानका लागि खेल्ने सपना देख्छु। जीवनले हामीलाई यस्तो मोडमा ल्याउँछ जहाँ हामीले हाम्रा निर्णयहरूमा पुनर्विचार गर्नुपर्छ।’

‘म र पीसीबीबिच केही सकारात्मक कुराकानी भएको छ, जहाँ उहाँहरूले सम्मानजनक रूपमा मलाई महसुस गराउनुभयो कि म आवश्यक छु र म पाकिस्तानका लागि खेल्न सक्छु,’ उनले भने, ‘मेरो परिवार र शुभचिन्तकहरूसँग कुरा गरेपछि, म भन्न चाहन्छु – म टी-२० विश्वकप खेल्न उत्सुक छु। म विश्वकपका लागि उपलब्ध छु। म यो मेरो देशको लागि गर्न चाहन्छु।’

मल्टिमिडिया ग्यालरी

Written by 

Related posts

Leave a Comment

error: Content is protected !!