Search

फागु : द्वाल्खाय नेवारी म्ये

फागु : द्वाल्खाय नेवारी म्ये

परम्परा छिजि तिसा खेङ् परम्परा त त्वार्मतयेन् हाखेन येइँरि बाँलकु खेउँ । आन्थिनुं थउ मौलिक परम्परा त मूल खँकु तु ट्वाक्स्याङन् थउतु मा भाषाकु तयेन् हाखेन उइँम्वाल्स झन् बाँलरेउरा ? उ खँ त मन्कु तयेन् द्वाल्खाय् नेपाल (नेवार) भाषालान् थिपु फागु म्ये थपे लाहाकु तइ म्वालेखेउँ थिपुल स्वइत ब्याला पितकायेन् रंगरस येरिलौ ना ?

जय गणेश परमेश्वर छिजी द्यउ भीमेश्वर,
परम्परा त मन्कु तयेन् फागु मेथइलौ..२

गणेश द्यउय् आज्ञा भीमसेन द्यउय् आशिक्
द्वाल्खा देश बाँलस्केउ उ द्यउपेन् खेउँ,
तामाकोसी तिरकु मन्देश्वरी शिरकु,
थउ संस्कृति लुवन्के फागु मेथइलौ..२ ।.. जय गणेश

ट्वाङ्स्वन खायेन् भीमसेन द्यउ त छायेन्,
छिजी द्वाल्खाय् ठाइँ सर्ग थिनागु,
येइलौ ना येइलौ द्वाल्खा त लुवन्के,
दोखुनुं साङत ग्वार्मुङन् फागु मेथइलौ ।.. जय गणेश

जउखेन्न कालिन्चोक, खउखेन्न बालकुमारी,
लिखन च्वन देवी त्रिपुरासन्दरी….,
छ्वाराकठीन् मुत्के अँबीर न दलेत्के,
साङत दाजु किँज च्वङन् फागु मेथइलौ । ।.. जय गणेश

विद्या बिउ सरस्वती प्याखन स्येङ्गु नाश्वर,
पिङ्गलकु च्वन छिजी शिव महेश्वर,
द्यउ देगलपेन् उयेन् रंग अँबीर बुयेन्,
गुनेङ् नाप राक मयेङन् फागु मेथइलौ । ।.. जय गणेश

तामाकोसीन् म्ये हल्न दोल्तीन् बाजा ठ्यातइ,
सुनीबल्नी ब्याला क्येनइ गौरीशंकर न,
ल्यासीमिसापेन् ख्वन्न रंग बुलित वन्न,
मन्ननसि रसतायेन् फागु मेथइलौ । ।.. जय गणेश

रसरंग येरिलौ ढोलक बाजाक् ठ्यारिलौ
हाबिन्नसि चल्के तये परम्परा खेङ्,
ल्यासीमिसा नानीपेन् छिपे बिचार हाति खेङ्,
थउथउ फक्कु रंग लुयेन् फागु मेथइलौ । ।.. जय गणेश

मेथर्स लाङाकु यान् हात्तसुले वैंशय् ज्यान्,
गोपीकृष्णन् बियेन्तये उ होलीय् ज्ञान,
उइँरै ब्याला उइँरे आउवा निभारुङ् डुइँरै,
रसतायेन् नाप च्वङन् फागु मेथइलौ । ।.. जय गणेश

जय गणेश परमेश्वर छिजी द्यउ भीमेश्वर,
परम्परा त मन्कु तयेन् फागु मेथइलौ..२ ।

म्ये चिङ्गुमिः बालकृष्ण श्रेष्ठ ‘पासा’

दोलखाको चाडपर्ब तथा जात्राहरु

Written by 

Related posts

Leave a Comment