२२ फागुण, बाँपिझ्याला, काठमाण्डौं । त्रिकोणात्मक टी–२० अन्तर्राष्ट्रिय क्रिकेट सिरिजको उपाधिका लागि आज नेपाल र नेदरल्यान्ड्स भिड्ने भएका छन्। खेल कीर्तिपुरस्थित अन्तर्राष्ट्रिय क्रिकेट मैदानमा बिहान ११ः३० बजे सुरु हुनेछ।
अंक तालिकामा पहिलो स्थानमा रहेको नेदरल्यान्ड्ससँग र दोस्रो स्थानमा रहेको नेपाल उपाधिका लागि जित्नै पर्ने मानसिकताका साथ मैदानमा उत्रेको छ। सबै टोलीले ४४ खेल्दा नेदरल्यान्ड्स ५ अंकसहित पहिलो, नेपाल ४ अंकसहित दोस्रो र नामिबिया ३ अंकसहित तेस्रो भएका थिए।
अघिल्ला दुवै खेलमा पराजित भएको नेपाली टोली पछिल्ला दुई खेलमा भने उत्कृष्ट पुनरागमन गर्दै शृङ्खलाको फाइनलमा पुग्न सफल भएको हो। आफ्नो पहिलो खेलमा नेपाली टोली नामिबियासँग २० रनले पराजित भएको थियो। आफ्नो दोस्रो खेलमा नेपाली टोली नेदरल्यान्ड्ससँग २ रनले पराजित भएको थियो।
आफ्नो तेस्रो खेलमा भने नेपालले नामिबियामाथि तीन रनको रोमाञ्चक जित हासिल गरेको थियो। लिग चरणको आफ्नो चौथो तथा अन्तिम खेलमा नेपालले नेदरल्यान्ड्सलाई ६ विकेटले हराएको थियो।
