बाँपिझ्याला, दोलखा । प्राचिन शहर दोलखा स्थित साक्षात भगवान दोलखा भीमेश्वरको प्रवेशद्वार बरिष्ठ संस्कृतिविद्, नेपाल प्रतिष्ठानका पूर्व उपकुलपति तथा नेपालऋषि डा. जगमान गुरुङज्युद्वारा शिलान्यास गरिएको छ ।
आज २०८० साल फागुण ८ गते भीम एकादशीको अवसरमा बरिष्ठ संस्कृतिविद्, नेपाल प्रतिष्ठानका पूर्व उपकुलपति तथा नेपालऋषि डा. जगमान गुरुङज्युको हातबाट शिलान्यास गरिएको छ भनी भीमेश्वर गुठी व्यवस्थापन समितीका अध्यक्ष समाजसेवी भरत श्रेष्ठले बाँपिझ्याला डटकमलाई बताउनु भयो ।
उक्त शिलान्यास कार्यक्रममा बरिष्ठ कलाकार समाजसेवी मदनदास श्रेष्ठ, समाजसेवी कृष्ण प्रसाद मास्के, जेष्ठ नागरिक अमृतबहादुर श्रेष्ठ, भीमेश्वर नगरपालीका वडा नं. २ का वडाध्यक्ष स्टालिन श्रेष्ठ, पुर्व वडाध्यक्ष युवा समाजसेवी विराजमान श्रेष्ठ, युवा समाजसेवी एवं अधिवक्ता प्रविण प्रधान, राप्रपाका नेता सुन्दर प्रकाश खड्का लगायत बिभिन्न राजनैतिक पार्टीका प्रमुख तथा प्रतिनिधी र स्थानिय जनप्रतिनिधी तथा दोलखावासी हरुको उपस्थिती रहेको थियो ।
