१ फागुण, बाँपिझ्याला, काठमाण्डौं । नेकपा माओवादी केन्द्रले २९ औँ जनयुद्ध दिवस मनाएको छ । मंगलबार राजधानीको प्रज्ञा भवनमा आयोजित विधान अधिवेशन अघि माओवादीले जनयुद्ध दिवस मनाएको हो । सो अवसरमा प्रधानमन्त्री प्रचण्डले २९ वटा मैनबत्ती बालेका थिए भने जनयुद्धका मृतक र बेपत्ताहरूको सम्झनामा मौन धारण गरिएको थियो ।
यसै गरी माओवादी काठमाण्डौं ७ नम्वर क्षेत्रको आयोजनामा बनस्थली चक्रपथ चोकमा दिप प्रज्वलन गरी जनयुद्ध दिवस मनाएको छ । नेकपा माओवादी केन्द्रका केन्द्रिय सदस्य, बरिष्ठ अधिवक्ता एवं पूर्व महान्याधिवक्ता मुक्तिनारायण प्रधानको प्रमुख आतिथ्यतामा उक्त दिप प्रज्वल कार्यक्रम सम्पन्न भएको थियो ।
यसै गरी विशेष आतिथीमा राष्ट्रिय खेलकुद परिषद्का बरिष्ठ उपाध्यक्ष तथा माओवादी केन्द्रका केन्द्रिय सदस्य शिव कोईराला (ज्वाला) को उपस्थिती रहेको थियो ।
उक्त दिप प्रज्वल कार्यक्रम काठमाण्डौं क्षेत्र नं. ७ का ईञ्चार्ज दिपेश शिलवालले संचालन गरिएको थियो । यसै गरी काठमाण्डौं क्षेत्र नं. ७ (क) का ईञ्चार्ज सुजन गोले, ७ नं. निर्वाचन क्षेत्रका पार्टी सचिव दिलिपराज वन्त, ७ नं. निर्वाचन क्षेत्रका सवै वडाध्यक्षहरुको उपस्थिती रहेको थियो ।
यसै गरी उक्त कार्यक्रमको संयोजन काठमाण्डौं वडा नं. १६ का ईञ्चार्ज उपेन्द्र श्रेष्ठले गर्नु भएको थियो ।
यसरी आ–आफ्नो क्षेत्रबाट सहयोग गरी उक्त दिप प्रज्वलन कार्यक्रम सफल बनाएकोमा सम्पूर्ण उपस्थिती पार्टी नेता, कार्यकर्ता र शुभचिन्तकहरुलाई धन्यवाद व्यक्त गर्दै कार्यक्रमको समापन ७ नं. ७ ईञ्चार्ज दिपेश शिलवालले गर्नु भयो ।
यसै गरी नेपाल अधिराज्य भरी माओवादीले बिभिन्न कार्यक्रम गरी जनयुद्ध दिवस मानेका छन् ।
